Page 2 - IDM
P. 2
2021 թվականի մայիսի 10-ին «Ինլայթ» հանրային հետազոտությունների կենտրոնում իր
աշխատանքները մեկնարկեց #2 թարգմանչական և խմբագրական 3-ամսյա պրակտիկան։
Պրակտիկան անվճար էր և իրականացվում էր գլխավորապես հեռահար հաղորդակցման
եղանակների ու գործիքակազմի կիրառմամբ:
Երեք ամիսների ընթացքում պրակտիկանտները զարգացրին թարգմանչական աշխատանքի
իրականացման տեսական, մեթոդաբանական և պրակտիկ պատկերացումներ, ծանոթացան ու
իրենց ներդրումը ունեցան թարգմանիչների և խմբագիրների բաժնի աշխատանքներին՝
իրականացնելով հայերենից տվյալ լեզու (անգլերեն, ռուսերեն, ֆրանսերեն) և տվյալ լեզվից
հայերեն գրավոր թարգմանություններ, խմբագրումներ, ինչպես նաև մասնակցելով
աշխատանքային հանդիպումներին և բանախոսություններին։
Պրակտիկան անցկացվեց Թարգմանչական «գարուն» խորագրի ներքո:
Պրակտիկայի ընթացքում իրականացված լավագույն թարգմանությունները հրապարակվել են
կազմակերպության կայքէջում, այս ամսագրում զետեղված են նյութեր, որոնք հաջողությամբ
արտացոլում են նախագծի ուղեծիրը։
«Ինլայթ» հանրային հետազոտությունների կենտրոնի
Թարգմանիչների և խմբագիրների բաժին
