Page 100 - ХАМИДОВА ЗУЛФИЯ АХМАДЖОНОВНА - monografiya

3-БОБ. ЎЗБЕКИСТОНДА ҲУНАРМАНДЧИЛИК
ФАОЛИЯТИНИ РИВОЖЛАНТИРИШНИ

ТАКОМИЛЛАШТИРИШ ЙЎНАЛИШЛАРИ

3.1-§. Ҳунармандчиликка оид давлат сиёсатининг ретроспектив
жиҳатларидан фойдаланиш имкониятлари

Ҳунармандчилик фаолиятининг ривожланиш тарихига назар
ташласак, ихтисослашган меҳнат жамоасининг маълум шакли

сифатида жамиятда мавжуд бўлган. У аввал қишлоқ хўжалигидан
алоҳида ишлаб чиқариш сифатида пайдо бўлиб, сўнгги 200 йил
ичида оммавий ишлаб чиқариш ва механизациялашган фабрика
саноатидан фарқли ўлароқ, асосан кичик ҳажмдаги товар ишлаб

чиқариш фаолияти сифатида амал қилди 197 .
Бугунги кунда ҳунармандчилик фаолиятининг ривожида ҳар
бир тарихий босқичнинг хиссасини англаб етиш қийин эмас,

шунингдек бу соҳани ривожида ҳар бир даврда олиб борилган
ижтимоий-иқтисодий ва сиёсий ислоҳатлар ўртасида мантиқий
боғлиқлик мавжуд. Айниқса, буюк соҳибқирон Амир Темурнинг бу

борадаги ислоҳотлари бугунги кунда ўз аксини топмоқда. Буни икки
босқичда, ҳунармандчилик фаолияти турларининг амал қилишида
ҳамда уни ривожлантириш доирасида олиб борилаётган кенг

кўламли ислоҳотларда кўриш мумкин.
Ушбу жадвал маълумотларидан кўриниб турибдики, гарчи
ҳунармандчилик фаолиятининг баъзи йўналишлари бир неча
тарихий босқичларда саноатлашув сабаб, ўз аҳамиятини йўқотган

бўлсада, миллий анъаналаримизга хос бўлган ва қўл меҳнатини
ўрнини боса олмайдиган турлари авлоддан авлодга сақланиб
келмоқда.

197 Ehmer J. 2015. Artisans and Guilds, History of. nternational Encyclopedia of the Social & Behavioral Sciences:
Second Edition. https://doi.org/10.1016/B0-08-043076-7/02706-6. 816-p.
98