Page 182 - gjuha shqipe 3 per shtyp.pdf

Lexojmë

LOJA “TELEFONI I PRISHUR”

“Telefoni i prishur” është një lojë argëtuese që e kanë luajtur edhe
prindërit, edhe gjyshërit tanë. Madje mund të vazhdojnë ta luajnë! Kjo
lojë mund të luhet kudo dhe kurdo: në ambiente të mbyllura dhe në
ambiente të hapura, në shkollë dhe në shtëpi, në oborr dhe në palestër,

paradite dhe pasdite. Numri i lojtarëve që mund të marrin pjesë është i
pakufizuar. Pra, kushdo që ka dëshirë të argëtohet.
Për të luajtur nuk nevojitet asgjë tjetër, veç lojtarëve. Ata rreshtohen
njëri pas tjetrit. Lojtari i parë mendon një fjalë ose fjali dhe ia thotë

lojtarit të dytë në vesh, me zë të ulët. Lojtari i dytë e dëgjon dhe kthehet
nga lojtari i tretë, të cilit ia thotë të njëjtën fjalë/fjali në vesh me zë të
ulët. Lojtari i tretë vepron si lojtari i dytë dhe kështu me radhë. Kur fjala/
fjalia arrin te veshi i lojtarit të fundit, ai e thotë këtë fjali me zë të lartë.
Ky është edhe momenti më argëtues, sepse fjalia “Ne ecnim në plazh”
mund të përfundojë “Ne qeshnim në masë”.

Nëse fjala/fjalia fillestare është ruajtur,
loja fillon edhe një herë nga e para
me të gjithë lojtarët. Nëse fjalia e
fillimit është shndërruar në një

fjali të ndryshme nga ajo që ka
thënë lojtari i parë, atëherë ky
i pyet me radhë lojtarët (nga i
fundit tek i dyti) për fjalinë që
kanë thënë. Kur ata thonë me
zë të lartë fjalinë, mësohet se
kush ka gabuar. Ai që ka gabuar

del nga loja. Loja vazhdon derisa
mbeten dy lojtarë. Fiton lojtari i dytë!

LEXOJ DHE KUPTOJ
Ku luhet loja “Telefoni i prishur”?
Sa lojtarë mund të marrin pjesë në të?
Cilat janë rregullat e kësaj loje?
Pse në këtë lojë fiton lojtari i dytë? VEPRIMTARI

Me ndihmën e mësueses,
REFLEKTOJ
luani në grupe lojën “Telefoni i
Po ti, a e ke luajtur ndonjëherë këtë lojë? Kush ta
prishur”.
ka mësuar? Na trego përvojën tënde.

182