Page 188 - gjuha shqipe 3 per shtyp.pdf

Lexojmë

TEATRI

Teatri është art i fjalës së folur. Ai krijohet kur një pjesë letrare luhet
në skenë, pra e interpretojnë aktorët para publikut. Teatri krijohet nga
bashkëpunimi i ngushtë i një grupi artistësh: autori që shkruan skenarin;
kompozitori që krijon muzikën, skenografi që merret me dekorin e çdo
skene, kostumieri që krijon kostumet që vesh secili prej aktorëve, aktorët
që interpretojnë rolet e ndryshme.

Regjisori planifikon, organizon dhe drejton vënien në skenë të një pjese
teatrore.

Krijimet letrare që përdoren në teatër, quhen pjesë teatrore. Pjesët
teatrore janë të ndara në akte ose kohë (p.sh.: akti i parë, akti i dytë etj.).
Çdo akt është i ndarë në skena. Skena është një hapësirë e caktuar, në të
cilën luhet ngjarja. Ajo mund të ndryshojë kur publiku duhet të kuptojë

se ka kaluar shumë kohë, kur hyn një personazh i ri apo kur kërkohet një
ambient i ri.

Autori që ka shkruar pjesën teatrore është një person që nuk shihet. Ai
bën lidhjen e një skene me tjetrën. Sugjerimet që autori i jep skenografit,
kostumierit dhe artistëve të tjerë për mënyrën se si duhet ta realizojnë
ambientin ose se si duhet të recitojnë disa pjesë, shkruhen me shkronja të
pjerrëta.

Në çdo skenë, aktorët shkëmbejnë një numër të përcaktuar batutash.
Pra, fjalët që thuhen në dialogët teatrorë, quhen batuta.

Fjalë të reja
LEXOJ DHE KUPTOJ
Ku luhet teatri? dekor – orenditë dhe
Cilët artistë bashkëpunojnë për të krijuar një teatër? mjetet e tjera që vendosen
Kur ndryshon skena? në skenë për të paraqitur
vendin a mjedisin ku
Lidh me shigjetë: zhvillohet ngjarja.
aktorët shkruan skenarin sugjerim – këshillë që i
autori interpretojnë rolet e ndryshme japim dikujt se si të veprojë,
skenografi krijon muzikën si ta zgjidhë diçka.
kompozitori merret me dekoret
regjisori krijon kostumet
kostumieri organizon dhe drejton çdo gjë

REFLEKTOJ
SHKRUAJ
A të pëlqen teatri? Pse?
Shkruaj titullin e pjesës teatrore që
Cili të pëlqen më shumë teatri apo filmi? Pse?
të pëlqen më shumë.
188