Page 28 - gjuha shqipe 3 per shtyp.pdf

Lexojmë

GJENIU I PAKUPTUAR

NGA TË TJERËT

Pablitoja ishte tip i vrullshëm, bujar dhe i çrregullt.
Mamaja e donte shumë, por herë-herë nuk e
kuptonte. Mamaja nuk e kuptonte pse Pablitoja i
ruante tërë kujdes gjethet e thara, guaskat, gurët,
bërthamat e pjeshkëve. Mamaja nuk e dinte që
Pablitoja kishte zbuluar se një guaskë ndryshonte

nga një guaskë tjetër, një gjethe ishte e ndryshme
nga një gjethe tjetër. Por ai nuk kishte dëshirë t’ua
thoshte të tjerëve.

Ndonjëherë Pablitoja i shkatërronte lodrat e
veta dhe kjo ishte një tjetër gjë që mamaja nuk
e kuptonte. Në të vërtetë vogëlushi nuk donte të
shkatërronte asgjë, thjesht donte t’i shndërronte
lodrat në diçka tjetër: rrotat e karrocës ishin dy sy
të mëdhenj maçoku, timoni i triçiklit ishte briri i
një demi.

Një ditë Pablitoja dëmtoi njërin mur të sallonit,
duke e gërvishtur e duke e gërryer me një gozhdë.

U detyruan të zhvendosnin divanin që të fshihnin
gjithçka. Në kopsht Pablitoja kishte pikturuar
shpejt e shpejt një diell të madh blu në mes të
qiellit krejt të kuq dhe mësuesja e kishte qortuar.

Fjalë të reja

i vrullshëm – që lëviz shpejt e me forcë.
triçikël – motoçikletë ose mjet me tri rrota.
talent i jashtëzakonshëm – dhunti e rrallë, e padëgjuar.
tavalocë – copë druri ose plastike në të cilën përzihen ngjyrat.
kavaletë – mbështetëse druri në të cilën vendoset telajoja.

LEXOJ DHE KUPTOJ
Djali i këtij tregimi është piktori i famshëm Pablo Pikaso.
Si sillej ai kur ishte i vogël? Cilat veprime të Pablitos nuk kuptonte mamaja e tij?
Kush e kuptoi i pari talentin e tij të jashtëzakonshëm?
Çfarë i dhuroi babai Pablitos?

28