Page 10 - Балдарга 2023_Neat

– Айса, су-алтай тилле куучындашкылайт. Энези Алтайдаҥ барган.
Энениҥ тилин ундуурга јарабас деп, олор айдышкан. База катап ары бар-

зам, алтай бичиктер экел деп, мени сурагылады. Апарар болуп, сӧзим бер-
дим. Олордыҥ кажызы ла мобильный телепонду. Је керектӱ ле тушта те-
лепонло куучындажып тургандарын кайкадым.
– Бистиҥ балдар бичик те кычырбас, кӧстӧри јаҥыс ла телепондо – дей-
ле, Эртечи эпјоксынып, колындагы телепонын карманына сукты.
– Телепонноҥ јакшы болбос. Кӧзиҥ ӱреериҥ, јалкууга ӱренериҥ – деп,
Эзлик Эртечини јӧмӧп, айда јӱргенин ойто ло улалтты:
– Олордыҥ айлыныҥ јанында јаан, јоон јодро агаш ӧзӱп јат деп, байа
айттым не. Јиилек-кадыныҥ кӧби – кара-бајырт. Јиген курсагы јодро эм-
тир. Оноҥ олор калаш эткилейт. Амзап кӧргӧм, татузы сӱрекей.
– Мениҥ јаанамныҥ јодролу калажы база тату – деп, Кырчын айтты.

Эзлик саҥ ӧрӧ сабарыла уулап айтты:
– Теҥериде ай толун турза, ајарып кӧрӱгер. Ондо јодро агаштыҥ ла
сабат тудунган Јелбегенниҥ сомдоры кӧрӱнер. Бот, эзенде јайгыда слерди,
ончогорды айга барып келерге кычырадым.
– Айдаҥ канай јангаҥ? – деп, Эрчим сурады.
– Онойып ла јангам. Ай кырлаҥга јууктап ла келерде, ийдимле кожо
јер јаар калып ийгенис.
– Кӧслӧ кӧрбӧгӧнчӧ, бӱдерге кӱч ле. Је јанаактар – деп, Эрчим айдарда,
балдар рюкзактарын јӱктенип, айылдары јаар бастылар.

10