Page 11 - Балдарга 2023_Neat
P. 11
ЧЫНДЫК НӦКӦРИМ
Мениҥ Тырмак деген кӱчӱгимнеҥ артык нӧкӧр јок болор. Школдо
нӧкӧрлӧр бар ла эмей. Эркемен ле Эртечи, Темирбек ле Айас. Олор – мениҥ
кожо ойнойтон нӧкӧрлӧрим.
Ӱредӱ божоп, школдоҥ чыксам ла, Тырмак кӱчӱгим куйругын булгап,
сӱӱнип, меге удура маҥтап келер. Мен јаар ајырайган кӧстӧриле кӧрӱп,
нени де сураарга турган чылап, токтой тӱжер. Мен отура тӱжеле, оныҥ
бажынаҥ сыймап ийзем, тен санаазы чыгып, аҥдана соголо, секирип-се-
кирип турар.
11
