Page 7 - Балдарга 2023_Neat
P. 7
– Мен быјыл јакшы амырадым – деп, Алтын-Сай эбиреде турган, кожо
ӱренген кысчактарга куучындап турды. – Мен энемле кожо Москвада, Вол-
гоградта болгом. Ой, кандый јараш городтор. Баштапкы катап самолётло
учкам. Тӧрт лӧ частыҥ бажында бис Москвага једип барганыс.
– Мен тайгада адамла кожо кой кабыргам. Кей ару, тымык. Јай удабай
ла келетен болзо – деп, Саклай кандый да кунукчылду ӱниле куучындады.
– Мен айда болгом! – деп, Эзлик кышкырган кептӱ куучынга киришти.
– Айда? Кандый айда? – деп, Сынару јӱзин чырчыйттып, Эзлик јаар
кӧрӱп каткырды.
– Чып-чын, айда болгом. Бӱтпей турган болзоор, ол мениҥ Ак-Кӧс деп
ийдимнеҥ сурагар.
– Ийе. Сениҥ ийдиҥ куучындап билер бе? – Сынаруныҥ суракту айтка-
нына ончо балдар каткырышты.
– Бӱтпес болзоор, бӱтпегер. Је мен чын ла айда болгом. – Эзлик јарбынып,
рюкзагын јӱктенеле, туура басты.
– Сен космонавт па? Айса сенде ак-айаска учар кереп бар ба? – деген
Апыйдыҥ сурагына јанарга турган Эзлик токтой тӱшти.
– Айга једерге, космонавт та эмес, кереп те керек јок. Ол туку бийик ту-
уны кӧрӱп тураар ба? – Эзлик колыла кыр јаар уулап, кӧӧрӧп чыкты. – Мен
Ак-Кӧс ийдимле кожо ӧркӧ сӱрӱжип јӱреле, эҥир кирип, тӱн келгенин бил-
бей де калгам. Бис анча-мынча отурганчаас, ай араайынаҥ теҥериле јӱзӱп,
кырдыҥ бажына тайанды. Колыҥды чӧйип ле ийзеҥ – Ай. Тен јаныҥда.
Кӧп сананбай, ийдимле кожо айдыҥ ичи јаар калып ла ийдис.
7
