Page 2 - nuusbrief 2 2025

Liewe Ouers

Hoe reageer jy as jou planne ontspoor?
En daar kry mev. Annelie van Rooyen wat aan die einde van die kwartaal aftree, uiteindelik haar
sin. Sy karring al lank aan my dat ek my jaarlikse Comrades Marathon ervaring met die kinders
tydens 'n saalbyeenkoms moet deel sodat ek, volgens haar, die kinders eerstehands kan
aanmoedig om vasbyters en aanhouers te wees. Ek was uiteraard altyd teësinnig, omdat ek
ongemaklik was om myself as voorbeeld te gebruik.
Ek was baie trots om in 2024 my dubbele groen nommer – atlete wat die Comrades tien keer
suksesvol voltooi, behou hul wedloopnommer – by die legendariese Alan Robb te ontvang,
nadat ek die moordende wedloop twintig keer voltooi het. My harde oefenprogram het vrugte
afgewerp en ek was gereed vir nommer 21!
My oefenprogram vir 2025 se Comrades het vlot verloop: Ek het met gemak tydens 'n marathon
(42,2 km) gekwalifiseer, weekliks tussen 60-80 km per week in die oggende afgelê deur soggens om
4:30 te gaan hardloop. Die totale aantal kilometers vir die jaar sedert 1 Januarie het nagenoeg 1 200
beloop. Ek het reg geëet, genoeg geslaap en daarin geslaag om gesond te bly. My raad aan
voornemende Comrades-atlete is dat jy deur die wedloop oor baie dinge gaan twyfel, maar oor een
ding mag daar geen twyfel wees nie, en dit is dat wanneer die laaste note van Chariots of Fire
wegsterf en die hanekraai van Max Trimborn by die wegspring weerklink, moet jy seker wees jy het
genoeg myle op die bene. Ek was slaggereed. Alles wat binne my vermoë was om my gereed te maak
vir die 90 km vanaf Pietermaritzburg tot Durban, kon ek op my lysie afmerk...
“Everyone has a plan until they get punched in the mouth” Mike Tyson, voormalige swaargewig
wêreldbokskampioen.
2025 se wedloop het voorspoedig begin. Ek het al die gebruiklike planne in werking gestel deur my
pas dop te hou en gesorg dat ek deurlopend genoeg vloeistowwe en eetgoed inneem. Teen halfpad,
op 45 km, het ek my teikentyd gehaal en doelgerig die tweede helfte van die wedloop aangedurf. Die
son het egter – anders as voorspel – genadeloos op die atlete vanaf die halfpadmerk begin neerfel. Ek
het in my beplanning daarop staatgemaak om by die bykans twee-kilometer-lange Fields Hill af te
draf en so 'n ekstra paar minute in die sakkie te kry. Groot was my verbasing dat ek nie teen die
afdraand kon bly draf nie en dat ek noodgedwonge dikwels moes begin stap. Gaandeweg het my
paraffien opgeraak en aan die onderkant van Fields Hill, met sowat 70 km van die wedloop agter die
rug, het my 21ste Comrades tot stilstand geknars. My gô was behoorlik uit en ek het net daar deel
van die statistiek geword van atlete wat mediese behandeling op die roete moes ontvang, toe 'n drip
aan my gedehidreerde liggaam langs die pad toegedien is. Die Genade was groot met die dat die twee
weldoeners langs die pad onderskeidelik 'n narkotiseur en ortopeed egpaar is wat my in my uur van
nood bygestaan het.
Ten spyte van die reuseteleurstelling om nie die wedloop te kon voltooi nie, moes ek besluit wat om
met die nare ervaring te maak. Ek het mettertyd besef dat alles nie altyd volgens plan verloop nie,
maar dat mens dikwels meer uit nederlae as oorwinnings leer. Ek gaan verseker aanhou hardloop as
deel van my gewoonte om 'n gesonde leefstyl te handhaaf. Ek is in elk geval te veel van 'n kompeteer-
der om nie een maal meer op te staan as wat ek geval het nie. Ek kyk in my lewe dikwels terug na die
tweede kanse wat ek in my lewe gekry het en so aanvanklike nederlae in oorwinnings verander het.
Miskien beteken die manier waarop ek 2025 se troostelose Comrades hanteer vir jou iets wanneer jy
met die wrang smaak van 'n neerlaag in jou mond sit.
Wanneer jy wel die bloed van die ongenaakbare hou in jou
mond proe en besef dat jy sal moet opstaan en jou eie ego
sal moet sluk en nog een keer moet probeer. Natuurlik is
dit baie meer aangenaam om die soet smaak van sukses te
proe, maar ongelukkig is dit beproewinge, terugslae en
teleurstelling op ons pad wat ons louter en geleenthede
tot groei bied.
Mag beplande roetes wat ontspoor, geleenthede vir jou
inhou om opnuut oor die gebaande weg te besin en met 'n
weer-probeer-ingesteldheid, 'n pad na 'n positiewe
uitkoms karteer.
2025
2025
2024
2024 2025
2024
Ek ontv
ades
ades
ang m
ang m
Ek ontv
y eerste drip op die Comr
ang m
Ek ontv
Ek ontvang my dubbele
y dubbele
y eerste drip op die Comr
Ek ontv ang m y dubbele Ek ontvang my eerste drip op die Comrades
by barmhartige Samaritane.
by barmhartige Samaritane.
oen nommer by Alan Robb.
oen nommer by Alan Robb.
groen nommer by Alan Robb. by barmhartige Samaritane.
gr gr
Groete
Dr. Louis Dey
Hoof
DIS HÓÉ ONS DIE WÁT DOEN