Page 80 - MIN TTC SEPT 18, 2015

E tarifanan mensual, cu na un principio tabata 75 Florin pa luna, awor a baha cu 20%. Pues,
empleadonan cu ta paga pa staciona nan auto henter dia den e vaknan color geel lo paga
solamente 60 Florin pa luna, cu ta un reduccion substancial di 15 Florin. E tarifa nobo ta debi na
e hecho cu a logra crea mas parkeerplaats y a haya un acogida mas grandi cu a anticipa.

AruParking a enfatisa cu den caso di habitantenan cu ta biba den e region cu mester paga pa
parkeer, awor lo por staciona nan prome auto gratis!

Den caso cu klem bo auto, door cu no a paga pa parkeer of tempo a sobrepasa e limite, lo mester
paga 75 Florin. Antes a stipula e multa na 75 Florin pa ora y despues di 3 ora, cu e suma a
alcansa 225 Florin, lo takel e auto hiba Arubus y cobra Afl. 150 Florin adicional. Di acuerdo cu e
cambio haci, awor lo aplica e tarifa di klem na 75 Florin y lo no sigui aument’e segun oranan ta
transcuri. Locual si lo bin acerca ta gastonan di takelwagen di 150 Florin, den caso cu transcuri 3
ora di tempo.

AruParking ta convenci, cu e cambionan aki lo atrae mas automobilista pa yega den tur
trankilidad y confianza pa parkeer nan auto mas cerca di nan destinacion. Pa paga por hinca
monedanan di Florin Arubiano of Dollar Mericano den e mashin. Pa evita cu ta cana cu placa
efectivo, ta conseha pa cumpra un smartcard, cu cual por haci pago mas facil y conviniente.

AruParking ta existi desde November 2014 y ta un compania perteneciendo na Arubus. Nan tin
25 empleado den servicio, parti entre parkeerwachters y personal administrativo. AruParking ta
maneha riba 1300 parkeerplaats den henter e area di Oranjestad, di cual mas o menos 800 ta pa
clientenan cu ta bishita e area pa haci compras of haci respondi. E resto di espacio ta reserva pa
empleadonan den e area, cu no necesariamente mester staciona nan auto mucho cerca debi cu
nan auto ta keda ey pa mas di 8 ora largo. Pa mas informacion, por “like” e pagina di
“Aruparking” riba Facebook.

http://www.diario.aw/2015/09/prijsnan-di-parkeer-na-playa-a-baha-y-hasta-esun-pa-empleadonan/