Page 76 - MIN TTC SEPT 18, 2015

Na Aruba Polis a laga tow varios auto mal para den Klip

Publication: Friday, 18 September 2015. Categoria: Policial

ORANJESTAD(AAN): Despues di introduccion di Parkeer Meter ta varios chauffeur a escohe
pa move bay para nan auto pafo di e area di Parkeer Meter.
Pero parce cu a lubida nan lesnan di rijbewijs caba, esta cu no mag di staciona riba acera? A
lubida caba cu cierto lugarnan no mag di para?
E problema ta cu nan a para auto malo y awor Polis a cuminsa actua. Pa algun aña caba den
Centro di Oranjestad e paramento malo tabata estilo free for all. Awor cu e introduci parkeo
reglamenta e paramento con cu ta a muda pa areanan habita.
Polis cu pa anjas a tolera e paramento malo den Centro di Oranjestad a haya competencia di
Parkeer Wachternan.
Pesey a dicidi tambe di bay den accion pa e autonan cu ta para malo net pafo di e area di parkeo
unda mester paga. Den Julianastraat y otro areanan di Klip a takel como 16 auto mal para. E
autonan aki tabata para riba acera. Loke hopi chauffeur tabata haci normal den stad, awor nan a
busca un chens para haci pafor di e Centro di Oranjestad.
Polisnan a bira actua tambe. Poco poco tur hende mester cuminsa respeta y compronde cu awor
reglanan ta na vigor cu introduccion di parkeo reglamenta.
COMPARA CU EUROPA: Na Hulanda un auto cu haya klem ta paga 360 Euro pa los e klem,
parkeer malo ta paga 90 Euro di multa, para auto riba un parkeer di invalido ta 370 Euro, core sin
seguro 550 Euro, si ta core bou influencia ta cuminsa na 360 Euro. Riba caminda ora core mucho