Page 79 - MIN TTC SEPT 18, 2015

Prijsnan di parkeer na Playa a baha y hasta esun pa
empleadonan

Publication: Friday, 18 September 2015. Categoria: General
AruParking ta anuncia despues di 2 siman den operacion

ORANJESTAD (AAN): Despues di dos siman di lansamento di e sistema nobo, den cual ta paga
pa parkeer den un area directo rond di caya Betico Croes y den centro di ciudad, AruParking ta
contento di anuncia cu e acogida a resulta mas di locual nan a premira den nan plan di negoshi.
Esey ta haci posibel cu por revisa e tarifanan y haci nan ainda mas social pa chauffeurnan cu ta
bin den centro di Oranjestad pa haci compras, pa haci diligencia na oficinanan di Gobierno of cu
ta traha den e area.
AruParking ta determina pa aporta den forma positivo den un centro di ciudad cu espacio pa
parkeer dividi entre e empleadonan y e clientenan cu mester parkeer djis pa un rato. Den esey ya
negoshinan a nota cu porfin, despues di hopi aña, cu awor si tin espacio pa staciona hasta dilanti
nan tienda of oficina.
Pero e acogida grandi den ambos grupo a haci cu AruParking awor a introduci un tarifa adicional
pa esunnan cu no mester parkeer pa largo, cu ta pa chauffeurnan cu mester haci un diligencia
masha lihe. E grupo ey no mester paga 2 Florin mas pa 1 ora, sino lo paga solamente 1 Florin y
por staciona pa 30 minuut.
E cambio grandi a bin den e tarifa di 2 Florin cu antes tabata pa 1 ora di tempo, pero cu awor a
bira pa 90 minuut, pues pa 1 ora y mey. Esey ta duna e chauffeurnan mucho mas espacio pa por
haci mas compras pa e mesun tarifa.
Locual a bini nobo ta un tarifa di 50 cent pa 15 minuut, cu lo ta aplicabel despues cu a para 90
minuut caba na e mesun espacio. Pues, den caso cu e chauffeur a paga 2 Florin pa 90 minuut,
despues di esey por hinca 50 cent den e mashin pa 15 minuut. Esey ta un tarifa nobo cu ta haci
parkeermento mas facil y eficiente.