Page 74 - MIN TTC SEPT 18, 2015

Empleadonan di Renaissance Resort y Casino a entrega
peticion na Minister Otmar Oduber

Publication: Friday, 18 September 2015. Categoria: General

ORANJESTAD (AAN): Empleadonan di Renaissance Resort y Casino a presenta dilanti di
Bestuurskantoor pa entrega un peticion cu mas di 550 firma na Minister Otmar Oduber, relaciona
cu nan malcontento pa loke ta trata sistema nobo di parkeo na Playa.
Voceronan di hotel y casino, Rosenda Lopez y Maruska de Kort a indica cu mas di 550
empleado a firma e peticion, mirando cu nan a haya nan mes confronta cu cierto problemanan
desde cu a cambia sistema di parkeo y falta di seguridad, sea di nan mes y di nan auto,
specialmente pa esnan cu ta traha den shift di anochi.
E empleadonan tambe tabata tin varios sugerencia pa Minister, manera busca alternativa pa
lugarnan di para auto mas cerca di nan trabao, cambio horario di pakeo di dilanti di hotel te cu
4’or di atardi y baha prijs di parkeermeter, pasobra esaki ta un gasto mas pa luna, y no ta tur
hende por paga esaki.
E voceronan a bisa cu mayoria di empleado no ta contra e parkeermeter, pero nan ta kere cu
mester tene na cuenta cu esnan cu ta trata den e area, y nan ta contento cu gerencia di hotel y
casino a mustra comprension pa nan preocupacion y a coopera cu e entrega di firmanan.
Segun Sra. Lopez, el a trece dilanti preocupacionnan di empleadonan na Arubaparking, pero e no
a haya ningun solucion.
Minister Otmar Oduber a invita e representantenan di hotel y casino pa sinta hunto cu
Arubaparking, pa yega na cierto compromiso, como tambe splica algun cambio cu lo tuma lugar.