Page 90 - KPA Feb 17, 2015

http://www.24ora.com/policial-mainmenu-8/91856-cuater-persona-ta-bati-un-homber-na-the-village-
banda-di-gusto

Polis 100% visible den ruta y patras di ruta di carnaval pa
garantiza seguridad

Monday, 16 February 2015 15:35
Comparti

E presencia di polis tabata 100% visible durante e carnaval 61. A mira polis tur caminda presente. Tanto
den e ruta mes cu nan uniform y net tras di baricada tambe den nan uniform.
Asina cu tin un problema cu cualkier persona of grupo e polisnan tabata yega mesora y bai den accion pa
detencion. Polisnan mester a zorg pa tur hende cu a bin disfruta di carnaval por a logra nan meta y bai
cas trankil. 32 detencion tabata tin y 32 persona no mester bira un problema pa hopi miles di hende den
e ruta of banda di ruta cu si kier gosa nan parada. Polisnan tabata cana cu e gruponan den parada, tabata
tin un grupo special pa atende cu peleanan, grupo special pa atende cierto area unda tabata spera mas
problema. Rba caya tabata tin un grupo di CEA cu varios van encarga cu transporte di esnan cu keda
deteni. Mester remarca tambe cu no ta solamente polis uniforma so tabata tin den henter e ruta. Tabata
tin tambe polisnan na civil cu un team special cu tabata full disimula estilo turista parti den varios grupo
di tres. Esnan cu sa ken nan ta personalmente por a reconocenan pero sino lubida. Nan presencia tabata
importante pa observa tur cos for di un area diferente. Bon trabou di Polis cu a sa di demostra cu nan tey
pa garantiza seguridad di e pueblo completo.