Page 95 - KPA Feb 17, 2015

...
Raspanan cu klop, nada di papia...hasi desorden, buracheria publico, stroba trafico, stroba paz di habitantenan, Kiko
boso polis ta papia tanto ????

http://www.24ora.com/policial-mainmenu-8/91845-el-flamboyan-a-bira-cliente-vast-di-polis

Polis: E aña aki tabata tin menos sushi benta riba caya
durante carnaval

Monday, 16 February 2015 22:02
Comparti

Aster Marquez ta forma parti di e grupo di polisnan cu tur aña ta tuma parti den e accion di limpieza di
caminda despues di e paradanan di carnaval. El a bisa den un entrevista cu e hendenan a bira mas
conciente con pa handle cu e sushi den caha, den bari y den saco.
El a bisa cu ta di remarca cu e automobilistanan tambe a coopera mas y no a core na velocidad asina
halto manera aña pasa, y cu nan tambe a bira mas conciente cu tin hende riba caya, y tambe a respeta e
autonan di polis cu tin dilanti y patras, aunke semper ta keda un par di hende cu otro mentalidad. El a
mira menos boter riba caya y mas bleki, y e ta spera cu den futuro lo no mira boter mes pasobra ta bai bin
un ley cu no por tira boter riba caya, y aunke tin hende cu lo keda trece boter, importante ta pa hendenan
ta mas conciente. Tanto na San Nicolas como na Playa tabata tin areanan cu no tabata tin casi nada pa
haci limpi, segun Aster Marquez. E no tabata tin e caos dilanti parlamento manera aña pasa pero Aster
Marquez ta haya cu mester pone proteccion dilanti parlamento pasobra algo por sosode, un pelea of algo
cu por causa destruccion. El a remarca cu manera rabo di carnaval pasa, tur hende mester stop cu musica
pero tin hende cu ta sigui pone musica y bebe, pero despues di parada mester stop cu tur music ariba
caya.