Page 97 - KPA Feb 17, 2015

carnavalistanan como e publico banda di caminda ta un poco mas alegre cu normal.
Asina mes, ora cu surpasa e grado di tolerancia y bira un peliger pa orden publico, a actua mesora.
Comparando cu aña pasa, unda a detene 74 sospechoso, e aña aki Polisnan a detene 31 sospechoso. E
edadnan a varia for di 19 aña pa 46 aña. E multanan cu mester a paga pa sali di prizon a alcansa Afl.
12.250. Esun di mas abou tabata di Afl. 50,= florin mientras cu esun di mas halto tabata di Afl. 1200,= pa
insulta Polis y un mix di varios otro delito mas cometi durante un detencion na final di parada den Caya
Milio Croes.
E parada grandi di carnaval a sali exactamente 12:00pm y e cabes a yega final pa 5:00pm, manera planea
for di antemano. E "Last Lap" a yega final pa 6:25pm na Aruba Entertainment Center na Dakota.
Aunke cu ta nota un reduccion substancial den e cantidad di detencionnan durante e parada grandi di
carnaval na Oranjestad, toch Polis ta sigur cu e cifra ey por ta menos. Ta sosode mucho biaha cu, dor di
influencia di alcohol y droga, cu ciudadanonan ta comporta nan mes di tal forma cu ta bay cera
innecesariamente. Tambe ta constata cu hopi hende ta purba meta durante cu Polis ta atendiendo un
situacion, den cual tambe e ciudadanonan ta haya nan mes den problema cu husticia sin mester.
Polis tey pa percura pa orden publico y cu esey den mente ta masha contento cu e gran mayoria di
carnavalistanan y publico banda di caminda a sa di comporta masha bon mes, cu un bon balans di pasa
bon pero toch keda den margen di nos normanan di comportacion normal.

http://www.24ora.com/policial-mainmenu-8/91881-polis-a-balansa-tolerancia-y-ordo-den-carnaval-di-
oranjestad

Intento di ladronicia of destruccion na Tele Shop Palm Beach

Monday, 16 February 2015 22:03