Page 93 - KPA Feb 17, 2015

droga, seccion administrativo y Cuerpo Especial Arubano cu ta encarga cu transporte di detenidonan.
E cabes di e parada a yega su final pa 5:50pm mientras cu e "Last Lap" a yega final pa 7:15pm. E parada a
cana riba un velocidad trankilo, dunando e participantenan amplio oportunidad pa por gosa di nan
carnaval, mescos ta e publico banda di caminda cu tabata aplaudi e creatividad y entusiasmo di e
carnavalistanan.
No obstante e bon ambiente, semper tin un grupo cu ta bini cu menos bon intencion of cu no por
controla nan mes na un dado momento. Specialmente pa e grupo chikito ey Polis a aplica e formula di
"Faya bo Haya". Den e cuadro ey, banda di e poder adicional cu Ministerio Publico a otorga Polisnan pa e
fin di siman di carnaval den cual por a tene accionnan di listramento preventivo, a detene 31 sospechoso.
Nan hunto a paga Afl. 8.300,= na multa pa por a sali for di prizon mesora. E cantidad di ta casi dobel di
aña pasa, unda a detene solamente 16 sospechoso!
E edad di e sospechosonan a varia for di 14 aña te cu 58 aña. E delitonan cometi tambe a varia for di
buracheria publico, posesion di cocaina, marihuana y pildernan di XTC, posesion di arma blanco (sker),
no sigui ordo di Polis, pelea, insulta un Polis den ehecucion di su funcion y mas. E multanan a cuminsa
for di 50 florin te cu 1100 florin pa un sospechoso cu a comete multiple delito.
E accionnan di control no a limita nan mes solamente rond di e ruta di parada di carnaval na San
Nicolas, pasobra e Polisnan riba brommer tambe a tene control riba caminda grandi. A para un cantidad
di auto cu tabata actua straño, di cual a a gara 5 chauffeur bou di influencia di alcohol.
Cuerpo Policial ta determina pa sigui cu e maneho aki, esta pa por eherce control preventivo durante
eventonan publico asina. Ta convenci cu e tin su efecto preventivo y ta duna Polisnan un herment extra
pa kita arma y droga for di circulacion. Di otro banda, ta aplaudi e mayoria di carnavalistanan y publico
banda di caminda cu a comporta nan mes debidamente.

http://www.24ora.com/policial-mainmenu-8/91876-listramento-preventivo-a-duna-bon-resultado