Page 92 - KPA Feb 17, 2015

Polis mester a bai pasa di 3or di marduga banda di Crystal Casino. A drenta informacion cu tin problema
den e casino cu tres homber cu nan presencia no ta desea. Tres unidad di Playa a yega mesora na e sitio.
A papia cu security y nan a splica polis cu e conocido choller "Bin Laden" a bin den casino y e no mag di
bai eyden. El a hasta rabia ora cu a mustre riba su presencia pa e area aki. E tabata cu dos persona mas cu
tambe tabata basta bebi. Polis a bai busca nan drechi y a topa cu nan tambe banda di Douane Kantoor.
Eynan a acercanan y atende prome cu tur cos cu e "Bin Laden" choller. A splike hopi cla cu e no mag di
yega den e casino. E otro dosnan tambe polis a splicanan exactamente con e situacion ta. Un di nan rasta
style a bisa polis cu e ta vakantie na Aruba. Notable tabata cu durante su bishita ta un adicto ambulante a
bira su amistad principal pa trip cune. Despues cu polis a atende cu nan a bisanan mesora pa bandona e
area y nan a cana bai direccion di Rancho na e area conoci pa polis.

http://www.24ora.com/policial-mainmenu-8/91852-choller-bin-laden-tin-black-list-den-crystal-casino

Listramento preventivo a duna bon resultado

Monday, 16 February 2015 20:49
Comparti

Ta for di mainta caba Polisnan a yega na Warda di Polis di San Nicolas pa prepara pa e parada grandi di
carnaval den dicho districto. Na tur 150 Polis a traha activamente, sea den e departamento uniforma, e
ekipo di Mobiele Eenheid, unidad K-9, riba brommer, unidad riba bicicleta, Recherche, departamento di