Page 43 - Extra

Djarason 16 Mart 2016 43

Kontinuashon di pag. 14
KORSOU

por drenta e paisnan ku
ta kai bou di e tratado di
Schengen sin visa. Di otro
banda ya kaba oropeonan di
e paisnan di Schengen por a
drenta Perú sin visa.

Minister Koenders a
bisa ku Ulanda ta na fabor
di e desishon aki. Perú ta
pasando den un progreso
ekonómiko i polítiko
fuerte. Ulanda, Aruba
i Sint Maarten ta mira
oportunidat pa stimulá e
relashonnan komersial ku e
pais. Pa loke ta trata Ulanda
prinsipalmente e parti di
relashonnan komersial
ta importante. Ulanda
kier mira un oumentu di
su eksportashon pa Perú,
prinsipalmente riba tereno di
konosementu i teknologia.
Banda di esei Ulanda ta
mira posibilidat den sektor
di agrikultura/kuminda
i awa, mina/ energia i
transporte/infrastruktura.
Banda di esei Ulanda kier
fortifiká e lasonan polítiko
ku e pais, konsiderando
e ròl konstruktivo ku
Perú ta hungando den e
region. Ademas e pais ta
pasando den un kresementu
ekonómiko i Ulanda i Perú
ta riba e mesun liña pa loke
ta trata drechinan humano.

Segun e desishon,
peruanonan por keda
maksimalmente 90 dia
den un di e paisnan den
Schengen.

E biahe sin visa ta
konta pa tur tipo di biahe,
inkluyendo turismo,
bishitanan kultural,
aktividatnan sientífiko,
bishita di famia i biahenan
komersial. Tin eksepshon
pa e personanan ku ta bai
e paisnan di Schengen pa
hasi trabou pagá. Pa esei si
mester di un visa di trabou.
Banda di e libertat di visa
pa Schengen, peruanonan
no mester di visa mas pa
Aruba, Boneiru, Saba, Statia
i Sint Maarten. Manera
indiká Kòrsou lo tuma un
desishon próksimamente.
No ta masha kla di kon
Kòrsou ta tardando ku un
desishon.