Page 43 - TTC MARCH 12,2015

Biento cu rafaga a stroba crucero Carnival Sunshine drenta
waf

Publication: Wednesday, 11 March 2015. Categoria: General
capitan no a confia y e embarcacion a sigui pa Bonaire

ORANJESTAD(AAN): E
barco crusero cu Diamars mester a drenta waf di Playa pa 12:15 pm, a haye stroba pa motibo di
bientonan fuerte y lama bruto.
E capitan Salvatorre Messina a notifica Aruba Ports for di trempan cu e ta confrontando
problemanan serio riba lama cu ta basta bruto y cu un biento hopi fuerte.
El a anuncia mesora cu pa e motibo ey mes e lo no drenta 12:15 pm pero lo yega Aruba pa
1:30’or di merdia.
Esey a sosode tambe pero ora a yega na e entrada a resulta cu e proceso di entrada lo bira hopi
dificil pa e barco. E pilot-boat di APA a bay manera semper na e crusero y e pilot a bay abordo
tambe.
Aunke e megashipnan aki tin bow-thrusters pa yuda guia e barco pa move “di banda” of “den
reverse” cu facilidad, tog a dicidi pa manda un tugboat pa acompaña nan den e proceso di
entrada.
Asina mes e capitan no kier a riesga.
E bientonan di 45 nudo cu ta riba 83 km/h a causa cu ta mihor cancela e entrada.
E barco Carnival Sunshine tin un largura di 273 meter.