Page 48 - TTC MARCH 12,2015

Titular di Turismo a comenta igualmente cu ATA a presenta na tur esnan presente e efecto di
loke nan ta bay mercadea a traves di aruba.com y tur e netwerk cu tin di ATA pa cu Aruba e
proyecto aki. Nan a haci un calculacion di hendenan cu ta bin via avion cu ta keda (stay overs) y
si tuma un 30% riba base anual cu lo bay San Nicolas pa conoce e producto, si tuma un 25 pa
30% di esnan cu ta bin via barconan crucero cu kier tuma un tour y bay pariba, ademas di e 24 pa
25 mil hende cu lo tin a traves di e hotel pariba di nos isla, ta papiando di un cantidad basta
grandi di hendenan cu lo crea e volumen necesario pa tin un economia cu ta bay ta florenciendo.

Minister Otmar Oduber a duna di conoce cu hunto cu su colega de Meza a bisa esnan presente cu
ya caba for di siman pasa a otorga e prome certificado pa e privilegionan di e zona economico y
cu tin aproximadamente 32 peticion na e momentonan aki.

“Hopi biaha a puntra ki ora ta bay start, awel, awor ta bay start. Awor ta e momento! Institutonan
ta cla, placa ta cla, presupuesto tey, plannan no ta plannan mas, awor mester ehecuta e plannan
aki. Awor aki tur hende mester jump den e bus aki cu ta bay ruta San Nicolas”, Minister Otmar
Oduber a finaliza bisando.

http://www.diario.aw/2015/03/plannan-no-ta-plannan-mas-pa-san-nicolas/