Page 46 - TTC MARCH 12,2015

Minister Oduber a indica cu e rapport ricibi for di AIB lo ta e continuacion di e masterplan cu
Minister Sevinger a pone pa p’ariba di nos isla y awor a yega e punto pa pone tur hende hunto,
pasobra den e caso di San Nicolas, si un warda riba un otro pa cuminza no lo crea e efecto pa den
grupo percura pa un desaroyo combina cu trece hende p’ariba. Sosten di ATA y mercadeo di
p’ariba di nos isla ta hopi importante.

Durante e presentacion di AIB aki tambe tabata tin presentacion diferente stakeholder pa mustra
e trabounan cu a wordo haci durante e ultimo 1.5 pa 2 aña a base di e masterplan cu a wordo
prepara y kier mira wordo desaroya. Di e forma aki ta mustra cu ta pone accion tras di palabra.
Gobierno a traves di institutonan tin presupuestonan aloca, tin ‘deadlines’ poni y final di prome
kwartaal, cuminzamento di di dos kwartaal di 2015 ta e momento pa tur hende sali bay y haci di
San Nicolas e di dos capital turistico di Aruba.

Frendsel Giel di AIB a indica cu nan a inventariza tur e masterplan y crea un zona 1 y zona 2 (for
di warda di polis te na Hickenson Hotel), aki lo determina specificamente kico ta bay tuma lugar.
Tambe el a indica cu den e rapport tin un lista di accion y un ‘timeline’. E rapport ta recomenda
Gobierno pa tuma un persona, un trekker cu tin autoridad pa ehecuta y cu por deal cu tur e
stakeholdernan cu tin.

AIB a identifica 6 pilar cu lo por enfoca e desaroyo economico sostenibel di San Nicolas. 1. Un
concepto comprensivo y bon diseña di e experiencia cultural y di herencia sostenibel. 2. Un
campaña bon organiza y bon promociona, tanto local como internacionalmente di e programa. 3.
Transporte confiabel y eficiente pa San Nicolas, (zonanan 1 y 2) incluyendo e areanan di
herencia cultural p’afor di e zonanan. 4. Un clima di inversion faborabel pa mayor desaroyo
economico. 5. Un infrastructura solido y al dia pa e area. 6. Seguridad den e area.

Mester bisa cu tur presente a mustra un interes hopi grandi pa loke ta e futuro di San Nicolas y a
acerca Ministernan Oduber y de Meza pa mustra esaki tambe, dunando un indicacion claro di e
exito pa haci di San Nicolas e di dos capital turistico y centro di nos herencia cultural.

http://masnoticia.com/interes-hopi-grandi-pa-presentacion-di-aib-riba-san-nicolas/