Page 47 - TTC MARCH 12,2015

Plannan no ta plannan mas pa San Nicolas

Publication: Wednesday, 11 March 2015. Categoria: General
Minister Otmar Oduber
institutonan ta cla, placa a cla, presupuesto tey

ORANJESTAD (AAN): Minister Otmar Oduber a indica cu ta poniendo hechonan tras di
palabranan. Esaki despues di a ricibi e rapport final di Aruba Investment Bank (AIB) relaciona
cu desaroyo di San Nicolas y haci di e ciudad aki e di dos capital turistico di Aruba cu enfoke
riba nos herencia cultural.
Tabatin un presentacion di e rapport door di AIB, mientras cu diferente otro instancia a mustra e
desaroyo di ultimo temponan pa loke ta trata proyecto, timeline, presupuesto y inversionnan na
San Nicolas. Esaki a sosode dilanti un cantidad grandi di inversionista, hendenan cu ta activo na
San Nicolas y otronan cu tin interes den inverti hunto cu varios asociacion cu a worde invita.
E mandatario a bisa cu e rapport aki ta un rapport di accion tras di palabranan. A mustra cu
presupuesto, plan y timeline ta cla mientras trabaonan ta inicia ya caba den di dos kwartal di
2015. Banda di esey fondonan a worde aloca den diferente instancia, ta bay tin reconstruccion di
henter e prome parti di Caya Grandi na San Nicolas y ta bay bin cu diferente inversion di sector
priva.
Esaki ta pone cu Gobierno ta premira, manera AIB ta pone den e rapport tambe, cu e conhunto
aki, combina cu fondonnan cu ta bay ta disponibel pa yuda e companianan chikito y mediano y e
zona economico cu a worde amplia y cu ta bin na remarke pa tambe tin negoshi pariba, cu den e
prome of di dos kwartal di otro aña ta bay mira ya caba e efecto di henter e desaroyo aki. Aki
Minister Oduber a bisa cu e desaroyo aki ta inclui tambe e construccion di e hotel pariba di nos
isla cu ta calcula cu lo inicia aki 2 pa 3 luna.