Page 4 - BND

A4
LOCALDiamars 6 Oktober 2015
Un upgrader no ta un refineria
Cuanto empleo lo bay tin realmente?
Mientras cu nos ta tende canto di amor encu-
anto reapertura di e refineria, no ta tende nada
mas tocante e hotel na Sero Colorado, ni di e
plan pa reactivacion di centro di San Nicolas.
Un di e argumentonan clave cu nos ta tende den
e dianan aki den e medionan comprometi ta cu
nos no mester conta riba turismo so, y nos mes-
ter e empleo cu e refineria ta trece aden awor
aki.
Ya caba nos ta tende cifra di 600 – 700 trahado
directo na e refineria, mas 2000 pa 3000 cupo
adicional cerca contratista y spin off economico
den San Nicolas. Pero esey ta bay ta e caso?
Mescos cu rabia, entusiasmo exagera tambe ta
mal consehero. Ban observa anto cu calma e
situacion cu nos ta aden.
E refineria a cera definitivamente na 2012 pa-
sobra despues di hopi aña di purba bende of haya
un partner serio, Valero a tira e serbete den ring. so di añanan 80? Sigur tin algun negoshi cu lo
E aña siguiente ainda nan a purba negocia un
deal cu PDVSA pa yega na un reapertura.
Esey a fracasa, pero e tempo ey caba tabata tra-
ta di no reactiva e refineria como refineria, pero
uza e facilidad como ‘upgrader’ pa crudo pisa di
Orinoco. Nos no ta bay splica te den detaye kico
ta un ‘upgrader’, pero en todo caso e NO ta un
refineria; e ta procesa crudo pa deshidrata y me-
hora esaki, mesclando crudo cu nafta pa haya
un producto mas manehabel y despues esaki ta
cla pa bay un refineria di berdad pa proceso di
refinacion.
Un instalacion reduci ainda lo bay emplea tan-
to hende manera Valero tabatin na trabao na
2012? Probablemente no … Ademas Venezuela
(PDVSA) ta sigui traha riba nan plan pa con-
strui mas upgrader na Venezuela mes, ademas
di dos refineria nobo.
Esaki ta parce logico pasobra nan kier conserva
e empleo pa nan mes hendenan y tambe indu-
stria petrolero den paisnan productor ta bay den
direccion di produci mas producto acaba den
nan mes pais, pa por probecha e beneficionan
di e productonan final enbes di bende solamente
crudo.
Esaki lo significa cu e plannan a largo plaso di
Venezuela lo no ta dirigi riba mantene indu-
stria den exterior. Esaki ta mustra den direc-
cion di un uzo temporal di e facilidadnan na
Aruba y no den un compromiso a largo plaso
pa cumpra y mehora e instalacionnan como un
refineria.
Den e set up aki tambe cualkier consideracion
di medida pa evita contaminacion ambiental ta
algo cu mester di un analisis mas profundo pa
argumenta si realmente e concepto di refineria
“berde” ta algo factibel of si ta trata solamente
di un propaganda mas.
San Nicolas
Tambe nos por observa cu memoria di hopi hen-
de no ta yega mucho leu. Bastante comentario
por tende cu e reapertura di e refineria ta bay
percura pa reactiva economia di San Nicolas.
Pero, si nos memoria no ta fayando, tempo cu e
refineria a habri bek na 1991, el a drecha algo
den San Nicolas? Of no ta berdad cu San Nico-
las a keda e mesun desastre cu el a bira den cur-
bay beneficia, manera bendemento di cuminda
na trahadonan, pero no ta bay drecha tanto den
e centro di San Nicolas mes.
Pa logra esey, algo diferente mester bay tuma
luga. Mester cuminsa tuma como punto di
salida cu e meta ta pa crea di San Nicolas un
ciudad cu tin su mes nivel bon di servicio com-
ercial y gubernamental. Pa bo tin un bon nivel
di servicio bo mester tin poder di compra, tanto
local como di exterior (turista por ehemplo).
Anto San Nicolas mester bira un luga atractivo
pa biba, tambe pa clase media local y bira inte-
resante pa turista tambe.
Pero esey lo no sucede nunca bao di huma y den
sombra di e refineria pasobra mescos cu den e
ultimo trinta aña, ningun hende ta bay hinca
placa den un luga cu ta mustra y ta hole manera
un gasolin station.
E escogencia pa reapertura ta parce mas bien un
escogencia di hende cu vision cortico cu ta mira
solamente e beneficionan di empleo y entrada pa
caha di gobierno den e proximo añanan. E des-
bentaha lo ta cu San Nicolas ta keda manera cu
e ta: un luga cu tur hende ta evita pa pasa aden,
a menos cu bo mester bay atende un asunto aya.
Despues di tanto papia tocante vision, desaroyo
sostenibel, y di tur sorto di actividad ‘berde’, nos
ta bay termina haciendo loke semper nos a haci:
duna un refugio na industria cu no ta cumpli ni
cu e normanan industrial di nan mes pais. q