Page 16 - SOLO SEPT 8

Pagina 16 Diamars 8 September 2015

Tuyo y
Ikel a
sali den
libertad
ayera

Ayera huez comisario a
trata e caso di detencion
di e 5 presonan politico
cu a keda cera desde
dia 27 di Augustus.
Di e 5 nan, 3 a wordo
prolonga y 2 a bay liber.

Tuyo y Ikel a recupera nan
libertad mientras cu tres
otro a keda cera pa mas
investigacion. Por mira
claramente un Ministerio
Publico hincá den carson
di politiconan, unda cueste
loque cueste kier complace
politiconan di AVP.

Si nan ta kere cu nan
lo spanta balente cu
e detencionnan aki,
nan ta equiboca!
Aruba a bira mescos
cu Venezuela, ora
cu pueblo manifesta,
mester core cera hende.
Ban wak con leu e actonan
di oprecion aki lo yega.

Polis no a
topa cu e
hendenan cu
a menaza

Un persona a bay warda di
Polis diasabra pa 23:58, na
Noord y a bisa cu hendenan
a menaz’e y su tata. El’a
bisa cu e hendenan cu ta
den e auto A-18120, un
Toyota Alteza blanco, tabata
bayendo direccion di e
highrise hotelnan pa tira su
tata. Polis a bay na e highrise
hotel y a papia cu e guardia,
pero e no tabata na haltura
di e caso. E guardia a bay
papia cu su coleganan, pero
nan tampoco no tabata sa
nada. Polis a controla hunto
cu otro patruya e parkinglot
di e hotel y vecindario, pero
no a mira nada particular.