Page 58 - MIN ECEM

Ora cu algo no ta bay corecto Aviacion Civil por tuma accion

Wednesday, 05 July 2017 20:00
1

Comparti

Departamento di Aviacion Civil a yega di constata situacionnan cu no ta corecto den pasado. Segun
director di e instancia aki, Edwin Kelly, durante di nan trabao

, Aviacion Civil tin un protocol pa esey. Ora cu haya algo cu no ta corecto, depende di e gravedad, ta tuma
accion. A yega di para avion. Esaki ta parti di nan trabao. Ta depende di e gravedad di e situacion. Tambe
a yega di prohibi un avion pa bula pa Aruba. Ta cosnan cu ta pasa.
Piloto deteni

Kelly a comenta cu ta algo cu dado momento a cay bao di ministerio publico. Ora cu algo pasa, si mira cu
ta algo penal, e ora e ta wordo traspasa pa Ministerio Publico. Nan ta sigui cu e caso eynan. No a tende
mas riba e caso en particular. Segun Kelly, e piloto no ta deteni mas. Si ta un caso cu Ministerio Publico
ta maneha. Posiblemente e lo haya un boet of un ke otro castigo.

E investigacion riba e caso aki a wordo conclui. Si ta asina cu si constata algo cu ta penal, ta hinca OM di
biaha aden, pa asina haci investigacionnan huridico riba e incidente.

Den e caso aki tin cosnan cu a constata cu por a bay miho. Pero no ta asina cu a hera tuma luga un
desgracia. Si ta algo cu ta bezig cu e investigacion. Ora cu esaki keda cla, e rapport lo wordo cera pa
Ministerio Publico.