Page 59 - MIN ECEM

Tin varios compania ta mustra interes pa bula e ruta di e
islanan ABC

Wednesday, 05 July 2017 20:14
1

Comparti

Ta un problema keto bay cu un aerolinea so ta bulando den region y prijsnan ta hopi halto. Minister Mike
de Meza, kende tambe ta na encargo di e cartera di transporte, a splica cu nan ta trahando riba diferente
posibilidadnan aki.
Ya caba tin algun compania cu ta den e proceso pa haya nan AOC cu nan lo por bula for di Aruba, como
base, entre Aruba, Corsou, Boneiro y eventualmente cu Sint Maarten tambe. Eseynan ta mustra positivo.
tA trahando duro riba esaki y ta spera cu muy pronto por duna e informacion positivo aki.
Ta trahando duro riba esaki. Transporte entre e islanan ta bay hopi stagna, segun e minister.
Stagna y keho
E kehonan diaramente bo ta scucha di diferente persona cu mal gusto, keho, prijs ta hopi halto y tambe
ta mira cu tin hopi biaha tardansa of cancelacion. Esey ta trahando riba dje. Tin cu bisa cu Gobierno ta
hopi delanta den e proceso caminda cu pronto un of dos aerolinea lo bay opera entre islanan for di
Aruba.
Interes
Tin diferente compania cu ta mustra interes. Por lo menos cuater pa cinco, cual ta companianan cu ta
existi caba cu a selecta tipo di avionnan caba. Ta bezig cu departamento di aviacion civil basta avansa. E
minister ta positivo y ta mira esaki cu hopi pronto ta asina leu cu por anuncia cu ta bay tin un of dos
aerolinea cu ta bay haci vuelonan aki di parti di Aruba.
Competencia
Competencia semper ta bon, segun e minister. E mercado mes ta busca e balansa entre e demanda y
supply. Competencia caminda ta necesario ta wordo crea pa e mercado mes. Den e caso aki ta mira
claramente cu e mercado ta puntra pa mas compania. E prijs, tambe e calidad di servicio y cu por wordo
garantisa door di locual awor aki ta e caso.