Page 2 - ASTEC - APRIL 10,2015

2 AWEMainta Diabierna, 10 April 2015

Riba invitacion di Premier Mark Rutte

Prome Minister Mike Eman lo
atende Cumbre Las Americas
como observador

Pa despues encabesa e delegacion p’e
cumbre maritimo y esun comercial economico

AWE merdia, Prome Minister Mike Eman ta encabesa un delegacion Arubiano, cu lo sali pa Panama, cu
den prome instante ta bay pa un mission comercial, cual cumbre lo cuminsa dialuna awor. Un cumbre

masha interesante sigur.
Pero di acuerdo cu nos informacion, Prome Minister Mike Eman ta sali awe merdia, riba peti-
cion di Prome Minister Hulandes, Marke Rutte, kende ta como observador n’e Cumbre Las
Americas, unda e enfoke ta riba e encuentro di Presidente Barack Obama cu Presidente
Raul Castro di Cuba.
Premier Rutte kier pa su colega Mike Eman cu su persona, pa hunto atende e Cumbre
aki unda nan lo topa cu varios Presidente y otro dignatarionan cu ta n’e cumbre
cu a cuminsa ayera.

E cumbre aki ta uno hopi interesante, cu manera menciona pa prome biaha tin
participacion di Cuba, cu lo topa cu Presidente Mericano. Aruba cu Hulanda
como observador, sinta hopi serca di mandatarionan di America, lo brinda
Aruba atrobe e posibilidad pa posiciona su mes den e mundo cambiante aki y
e mundo di oportunidad.

Pueblo di Aruba mester ta orguyoso cu su Prome Minister, Mike Eman por ta
presente na un cumbre asina importante. Cu presencia di Prome Minister
Hulandes, Mark Rutte, no por pidi mihor pa Aruba.
Banda di esaki, mesun Premier Rutte hunto cu Prome Minister Eman lo
encabesa e delegacion, pa atende e cumbre maritimo, unda atrobe Aruba
lo posiciona su mes den un posicion basta faborable y ta keda na Aruba
pa haci bon uso di e oportunidadnan aki.

Pa loke t’e mision comercial mes, cu ta cuminsa dialuna awor, Prome
Minister Mike Eman lo kier reuni cu varios comerciante potencial na
Panama, sigur esnan cu tin diferente franchise, cu Eman kier haya pa bin
establece den Caya Betico Croes, pa converti centro di Oranjestad den un
berdadero centro comercial atrobe.
Como posibel resultado di e cumbre comercial na Panama, lo por tin firma-
mento di algun acuerdo, e.o. pa cu aviacion y maritimo, entre Aruba Panama,
entre Hulanda Panama.

Despues di Panama, e delegacion lo sali pa Miami, unda tambe tin algun
topico interesante pa atende. E.o. e dinamica entre e hafnan den region.
Cu manera ta conoci Aruba ta bezig ta muda su waf di carga pa Bar-
cadera y kier desaroya e waf di Playa den uno pa crucero so. Y sin
lubida e futuro plannan pa cu waf di San Nicolas.
E delegacion Arubano lo ta bek na Aruba dia 17 di april awor.