Page 32 - Min On, 12 May 2015

Abogado Hendrik Croes a perde caso den Corte pa Juffrouw
Suki Croes

Publication: Tuesday, 12 May 2015. Categoria: Judicial

Manera a adverti e docente for di antemano:
Hues a rechasa demanda pa para investigacion contra docente cu ta “bully” su mesun alumno
den klas!

ORANJESTAD (AAN): Esunnan cu conoce Juffrouw Suki Croes bon a adverti’e pa e no hinca e
caso aki den un esfera politico pero ta parce cu e no kier a bay tras di e consehonan.
Ata awor e mesun Juffrouw aki, cu ta bou investigacion pa “bullying” di su mesun alumno den
klas na Scol Primario Kudawecha, a dicidi di entama un caso den Corte di casonan di
Ambtenaar, demandando pa Hues para e investigacion andando contra dje. Hues a rechasa su
demanda dialuna y a declara cu e no por apela e caso aki mas tampoco.
E caso a cuminsa algun tempo atras, ora cu un alumno a sinti su mes asina “bullied” dor di su
mesun docente, cu el a reclama na cas. E tata a bay papia cu e docente y na final a yega na
acuerdo. Pero no a bin cambio y di e forma ey a bay keha e juffrouw aki na DPS. Di eynan a start
cu un investigacion cu a conduci na tumamento di medida.

E docente, aunke a acepta su culpabilidad y a priminti di no sigui cu e practica aki, a opta pa
cambia di abogado mr. David Kock pa bufete di abogadonan Croes, Wever and Tchong. Aki ta
caminda cu abogado mr. Hendrik Croes su mes a entama algun caso pe na Corte, buscando su
derecho como docente. Cu esey e juffrouw a cana su mesun caminda, los for di e sindicato
SIMAR cu na principio a pone abogado Kock na su disposicion. Claro cu banda di busca sosten
di e bufete di abogadonan Croes, Wever & Tchong, cu e aparato di publicidad di partido MEP a
cuminsa cana tambe. Nan a bay nan mesun bufete di abogado, e ruman di vocero di MEP na
Santa Cruz ta yama prensa pa bay scol pa haci entrevista y asina a cuminsa cu atakenan di
difamacion tur caminda, den un esfuerso pa defende e Juffrouw aki cu den nan bista ta inocente.

E prome caso no a resulta bon pa e docente, pasobra Hues a bisa durante tratamento cu e
instalacion di e comision ta algo interno y cu e Minister tin e autoridad pa haci esaki tambe.