Page 35 - Min On, 12 May 2015

Gobierno y Bonochi Drumi Dushi a anuncia proyecto
“Shoco Sa Spel”

Publication: Tuesday, 12 May 2015. Categoria: General

ORANJESTAD (AAN):
Ayera a anuncia un proyecto di competencia pa nos muchanan. Ta algo cu ta wordo prepara pa
Gobierno y tambe fundacion Bonochi Drumi Dushi. Esaki ta un siguiente nivel pa promove
lesamento di buki.
E plannan ta hopi leu pa oficialmente cuminsa den aña escolar 2015-2016 cerca tur scol basico
cu participacion di muchanan di seis klas. Asina mes ta intencion di bin cu un proyecto piloto cu
algun scol entrante Juni.
E ta basa su mes riba un tipo di competencia di palabra. Lo cuminsa cu idioma papiamento
prome pero despues lo bai over na otro dos idioma mas: Hulandes y Spaño. Durante e ocasion
aki tabata tey Minister Michelle Winklaar, Olga Buckley, Angelle Mac-Janet y Alida Kock.
Ta gruponan cu ta parti den Bonochi Drumi Dushi pero awor tambe ta yuda pa trek e proyecto
hunto cu gobierno y minister Winklaar pa ”Shoco Sa Spel”.
http://www.diario.aw/2015/05/gobierno-y-bonochi-drumi-dushi-a-anuncia-proyecto-shoco-sa-
spel/