Page 12 - Min.ecem

16 AWEMainta Diabierna, 29 Mei 2015

Minister Otmar Oduber dunando mas atencion na Producto Aruba

Diferente beach y lama na Aruba lo wordo refresca

DIAHUEBS mainta Minister Otmar Oduber tabatin un reunion

cu DOW y ATA riba mantencion di beach y lama.
Conhuntamente cu Oficina di Turismo, DOW y otro instancia per-
cura pa por cuminsa e proceso di refresca diferente beach na nos
isla. Ta spera cu den e proximo dianan nos dilanti e pilot project
lo inicia y asina den e prome simannan di juni lo por cuminsa wak
trabounan wordo realiza.

Minister Oduber a duna di conoce cu Oficina di Turismo desde e
aña aki tin un unidad nobo, esun cu ta percura pa Producto Aruba.
“Nos por mercadea nos pais den e mihor forma cu ta posibel, pero
tambe experiencia riba nos isla ta hopi importante”.
Mirando e exito grandi di ATA y e mocion cu tabatin den Parla-
mento cu ta duna e posibilidad cu si ATA tin espacio adicional
den su finanza pa por crea algo asina, a conduci n’e realizacion di
un business plan y a base di un estudio cu a wordo haci a inclui e
unidad di Producto Aruba, cual ta pone atencion riba e producto.

Un di e aspectonan den e cuadro aki cu ta hayando hopi atencion ta
nos beachnan atrabes di e Beach Policy cu t’e organizacion riba nos
beachnan, infrastructura pa medio di kioskonan pa brinda e servi-
cio na nos bishitantenan kitando e peso for di banda di hotelnan.
Di e forma aki ta habriendo posiblidad di beachnan nobo manera
Surf Side, Arashi y proximamente tambe na Eagle Beach.

E parti den awa tambe ta forma parti di e totalidad di nos beach-
nan. Tin partinan cu tin hopi piedra y matanan di lama cu ta im-
posibilita cu por usa cierto parti como beach den nos comunidad.
Tambe tin otro partinan manera na Playa Linda, Holiday Inn y
Marriott cu e lama a bira hopi sushi, casi bira lodo y tin biaha ta
hole. Esaki t’e partinan cu lo zorg pa atende cu nan y lo refresca
e beachnan aki.

Intencion ta cu e prome pilot project lo cuminsa den e area di Surf
Side, banda di Aeropuerto bay abou te na Surf Side Marina. Du-
rante e proceso aki lo evalua tur loke ta bay bon y tur loke mester
wordo mehora y despues di esaki lo bay den e area di hotel caminda
e problema ta mas grandi.
Mientrastanto Minister Oduber hunto cu su coleganan Schwengle
y de Meza lo mira cual t’e posibilidadnan cu tin pa por hinca den e
vergunningnan cu ta wordo otorga cu ta prohibi uso di entre otro
cups di plastic cu ta contamina e awa y beachnan. Esaki en espera
di leynan cu mester wordo cambia.