Page 30 - MIN TTC 1 AUG 2015

B8 panorama

Diasabra 1 Augustus 2015

Departamento di Cultura

Por wak atras den un exito cu gang di arte 2015

ORANJESTAD – Departamento di Cultura Aruba y Min-
isterio di Cultura ta wak atras riba un Competencia Hubenil
Gang di Arte 2015 como uno exitoso, caminda explosion di
creatividad a tuma luga entre nos hobennan participante.
Diamars 28 di juli 2015 den Cas di Cultura for di comienso te
fin tabatin competencia fuerte. Cu un sala di Cas di Cultura
completamente yen. A reina un anochi di fiesta total.
Como 20 presentacion tabatin y cada uno di un duracion di 7
minuut cada uno. Nos cuerpo di hurado no tabata tin un mo-
mento facil. E tema Fiesta a hala atencion di tur e participan-
tenan tanto como individual y den gruponan. Un anochi di
berdad cu e publico a biba un explosion di fiesta y creatividad.
Ganadonan pa Gang di Arte 2015 ta:
Ganado absoluto: IOTE
2nd : Next level
3th : Nathan Occeanna & Rudolf Gonsalves
4th : Luis Villegas
5th : The empire crew
Ganado Arte Visual: The argents ( Lyrick)
Premio mas popular cu a cay den nomber di “Next Level”.
Participante mas motiva y cu a persevera: Chamar Cole.
Tambe e gruponan cu tabata mas presente y cu disciplina:
“The Argents”, “Sweet Harmony” y “The Empire Crew.
Na tur hoben participante, keda pendiente pa un encuentro
pa entrega di mas premio y e certificadonan di participacion.
Un sorpresa prepara y ta na caminda pa nan, pasobra e fiesta
ta sigui, e fiesta ta on...!
Minister di Cultura y director di DCA ta felicita tur e colega-
nan di DCA cu a traha duro den ekipo durante e nochi den
realisacion di Competencia Hubenil Gang di Arte 2015 den
Cas di Cultura. Kende nan ta tur colega, staf y personal di
DCA cu di un forma of otro a yuda y sostene realisacion den
esaki. Sigur na tur maestro cu a duna tayernan, boluntari-
onan, miembronan di
hurado cu a sostene y tur instancia cu di un forma of otro
a yuda y sostene pa e exito di e aña aki. Sin lubida na tur
e hoben participantenan, y na e publico presente pa un sala
yen yen cu a sa di apoya nos hobennan. Hendenan cu ta kere
den e bunita proyecto aki. Danki pa un anochi inolvidabel di
talento y creatividad.