Page 67 - Updated Newspaper Minister Otmar Oduber

Chauffeurnan di Minivan chikito no ta haya salario for di
Arubus

Publication: Monday, 8 June 2015. Categoria: General
Director Teo Croes un biaha mas ta splica:

ORANJESTAD (AAN): Director di Arubus Teo Croes den un declaracion duna ta contradeci
diferente ponencia cu a wordo treci dilanti door di Diego de Cuba, Presidente di e sindicato STA,
y cual ponencianan mas bien ta causa daño na e compania nacional di transporte cu tin un grupo
grandi di Arubiano den servicio.
Croes ta sinti cu e lider sindical ta criticando diferente aspecto cu tin di haber cu e compania, sin
cu e ta haci e averiguacionnan necesario, manera ta e caso di busnan chikito blauw cu el a bisa ta
genera poco placa y cu e chauffeurnan aki ta gana menos di salario minimo.
Un biaha mas, pasobra segun Croes ta diferente biaha a splica e situacion aki, e chauffeurnan di e
autobusnan blauw no ta trahado di Arubus. Nan tin un contract cu Arubus pa core cierto rutanan
y pa luna nan ta haya e suma di 1200 florin pa motibo cu nan ta tuma e carchinan di studiante y
pasaheronan 60+. Esaki, el a enfatisa, no ta un salario.
Nan entrada ta loke nan ta cobra cash for di e pasaheronan cu nan ta transporta diariamente. Den
cada un di e autobusnan aki tin un aparato pa nan por swipe e carchi di e studiantenan y 60-
plussers. Esaki ta un sistema cu Arubus a bini cune pa baha su gastonan, a elimina algun bus
grandi for di rutanan cu no tabata rendabel.
E sistema aki no ta bay malo, segun Croes. Pero sindicalista de Cuba ta bisa cu e chauffeurnan
aki no ta contento. Nan tin un entrada di rond di 5 mil florin pa luna, y ta haya nan schedule y
orario for di Arubus. “Mas cu esey nos no por bay,” Croes a expresa.