Page 70 - Updated Newspaper Minister Otmar Oduber

maneho cu Gobierno a anuncia recientemente. E ta encera cu lo bini cu un sistema di
vergunning pa loke ta operacion di all inclusive y tur loke ta cambernan di adds-on, credit
vouchers, etc. Pues tur loke cu no ta IP visitors. Ademas, lo aserca Raad van Advies y
Parlamento pa atende esaki mas lihe posibel, mirando interes general di pais Aruba.

Tambe a informa AHATA cu lo cuminsa e proceso pa crea un impuesto adicional pa cambernan
all inclusive, “pasobra e fenomeno aki di loke ta tumando luga, cu nos a informa e Hunta di
Supervision di AHATA, lo conta pa hotelnan existente tambe. Nos lo sinta proximo simannan na
mesa cu AHATA. E dos decisionnan aki ta pa salvaguardia e bienestar general di turismo y
economia di pais Aruba.”

Den cuadro di e ariba menciona, Minister Oduber ta lamenta cu lider di oposicion sra. Evelyn
Wever Croes, Danqui Oduber y Nel Oduber, kende a bini cu e grupo RIU na Aruba, ta purba di
bruha tera. E no kier a bay den discusion mas profundo, ya cu esaki ta un materia di importancia
grandi pa haci politica, pero ta lamenta cu ta mal informa e comunidad, haciendo comosifuera tin
un sistema di permiso y cu e hendenan aki lo por opera como un “all inclusive”. Esaki no ta
corecto “y ta pesey nos ta papiando awor di un cambio den ley”. Y e di dos cos ta cu ta
hustamente Nelson Oduber, tata di Parlamentario Danqui Oduber, kende na 2007 a “gaba asina
hopi cu el a trece e Grupo RIU na Aruba, cu ta su persona a trece un cadena di 5 strea all
inclusive na Aruba, bisando cu e ta un bon cadena hotelero. Awe, un par di aña despues y kisas
door cu circumstancianan a cambia., kisas door cu famia no ta haci negoshi mas na e hotelnan
aki, por mira cu awe e posicion di oposicion a cambia totalmente riba un RIU, di un compania
super bon pa un compania cu awe lo mata nos turismo”.

RIU di su banda a sigura den combersacion cu nan no ta bay opera e hotel aki den forma all
inclusive, sinembargo no a haya esaki ainda por escrito.

http://www.diario.aw/2015/06/lo-bini-cu-sistema-di-permiso-pa-cambernan-all-inclusive/