Page 69 - Updated Newspaper Minister Otmar Oduber

Lo bini cu sistema di permiso pa cambernan all inclusive

Publication: Monday, 8 June 2015. Categoria: General
Minister Oduber

ORANJESTAD (AAN)Prome cu el a biaha pa Cuba riba un mission commercial cu miembronan
di Camara di Comercio, Minister di Turismo Otmar Oduber a duna su comentario riba e
situacion andando relaciona cu e benta di Radisson Hotel di Carlson Group cu RIU.
Oduber a splica cu intencionalmente Gobierno a dicidi di mantene un “low profile” for di
momento cu a dicidi di uni nan mes na e caso cu tin andando den Corte y pa cual lo tin un
veredicto dia 17 awor. Aruba Growth Fund a dicidi di entabla un caso pidiendo un orden di Corte
pa Carlson cumpli cu e palabracion di benta cu nan.
Gobierno, e mandatario a bisa, door di uni su mes na e caso simplemente kier a expresa di ta
sigui apoya e maneho cu a keda publica algun tempo atras riba bienestar general di pais Aruba y
e dependencia grandi cu Aruba tin riba su turismo.
El a splica cu durante e bishita na New York, a constata cu Aruba cu pa hopi tempo tabata e di
tres pais na mundo cu ta depende di turismo pero dos siman pasa Aruba a pasa pa number un riba
e lista di paisnan cu ta depende di turismo pa un gran parti di nan entradanan. “E ta
practicamente e pilar economico di Aruba ta y ta contribui cu 90 porciento di empleo,
directamente y indirectamente, di e forsa laboral di e isla.
Gobierno sinembargo no a sinta keto y a reuni, telefonicamente of personalmente, cu Carlson
Group y Luis Riu su representantenan cu a bini Aruba. Gobierno a mustra su posicion hopi cla
durante e reunionnanaki, segun Minister Oduber, y a informa nan cu ta considera e sucedido un
violacion di eticanan comercial, esta cu a kibra e negociacionnan cu AGF, siendo cu nan tin te cu
juli awor pa sera un deal. “Mi ta kere cu esaki a pone e gruponan aki realisa cu e posicion cu
Aruba ta tumando ta uno hopi serio y firme.” Na mesun momento a informa ambos partido,
segun e mandatario, cu instruccion a wordo duna pa bini cu cambionan den ley pa cumpli cu e