Page 72 - Updated Newspaper Minister Otmar Oduber

Ta bay haci un evaluacionnan cuanto camber ta wordo
gehuur cu turistanan

Publication: Monday, 8 June 2015. Categoria: General
Minister Otmar Oduber

ORANJESTAD (AAN)Minister Otmar Oduber a caba di bolbe di un bishita di trabou na New
York, cu e mandatario a considera di tabata uno hopi exitoso.
Prome cu el a biaha pa Cuba, cu delegacion di Camara di Comercio riba un Mision Comercial, e
mandatario a tene un conferencia di prensa unda el a papia riba diferente tema, entre otro su
recien biahe pa New York.
Segun e mandatario, e tabata dos dia di trabou unda cu Oficina di Turismo su staff hunto cu
representante di hotelnan na Aruba y partnernan di Aruba na Merca y Canada a reuni riba e
strategianan encamina. Y principalmente con ta bay atende cu e hermentnan digital y social
media, y tambe e aspecto di hospedahenan cu no ta hotel.
A evalua, of haci estudio riba e fenomeno mundial di cambernan priva cu ta competi cu hotelnan.
“E ta creciendo rapidamente y nos a nota cu un 20 pa 25 porciento di esnan cu ta bishita nos isla
ta keda na un propiedad cu no ta un hotel. Pero ta keda mira un trend di crecemento di esnan cu
ta keda na hotelnan toch.
Na Aruba y Oficina di turismo y su partnernan ta haciendo un evaluacion di e propiedadnan.
Hunto cu Departamento manera Cuerpo Policial, Brandweer y Salubridad Publico ta bishita e
propiedadnan aki pa haci un evaluacion di e calidad y e inventario, pa sa cuanto cambernan tin
na huur cu bishitantenan y percura cu e grupo ta contribuyendo cu impuesto y otro
responsabilidadnan cu nan mester cumpli cune.
Un di e aspectonan cu a detecta cu mester tuma luga ta cambionan den ley. Leynan ta bisa ki ora
un propiedad ta wordo considera un hotel y mester paga room-tax y mester haci cambio unda cu
ta pone cu tur persona cu ta huur camber lo mester paga nan parti di responsabilidad fiscal pa cu
e isla.

http://www.diario.aw/2015/06/ta-bay-haci-un-evaluacionnan-cuanto-camber-ta-wordo-gehuur-cu-
turistanan/