Page 36 - flip

Un hoben cu a sali di Booth Camp ta denuncia humiyacion
di e lider

Publication: Tuesday, 9 June 2015. Categoria: General

ORANJESTAD (AAN) E Juni Roque Dirksz, un hoben studiando na EPB, tabata un miembro di
e Aruba Booth Camp pero a dicidi pa bandona e organisacion aki door di incapacidad di e lider
pa guia e hobennan.
El a conta con na momento cu el a drenta e organisacion, e lider a keda drill riba dje asina tanto
cu na final el a bira malo tabata saca hopi.
Ta hopi ehercicio nan a pone haci pa final hinke den cashot, un camber di castigo (siendo cu el a
caba di drenta). Durante e 4 dianan cu el a keda sera eyden el a haya solamente un sheetchi pan
pero sin nada.
Despues di 4 dia su mama a bin wak’e, net riba Dia di Mama. El a pidi su mama pa sake di e
lugar ey. Pero e mama tabata kere den e programa y a papia cune pa trata di finalisa henter e
programa. “Mi a lucha y a pidi Dios yudami.” Te ora cu el a haya bishita di sra. Astrid Vries,
kende a bisa reza y pidi Dios ayudo.
Tin un sistema caminda e hobennan cu tin tres luna eyden, ta manda riba esnan nobo.
El a corda cu un dia nan a bay cana den caya y ora cu an a bolbe, un humiyacion grandi cu nan a
pasa aden. El a scohe cuatro hoben cu mester a laba su pianan y despues corta su uñanan. Na
momento cu el a reclama cu esaki no por, esta cu e ta pone nan frega su pia. Como castigo el a
wordo manda pa cashot y tabata haya pan cu beskim y no ta lague baña.
Su mama hinke den e Booth Camp pa motibo cu e tabata huma marihuana y tabata reacciona
agresivo riba e hendenan rond di dje. Pero awor cu su mama a sake di e Booth Camp, e ta
haciendo tur lo posibel pa comporta su mes pasobra e no kier drenta e luga ey mas. E ta luchando
pa cumpli cu su soñ di bira un koki.
http://www.diario.aw/2015/06/un-hoben-cu-a-sali-di-booth-camp-ta-denuncia-humiyacion-di-e-lider/