Page 38 - flip

tabata pafor sinta caminda nos tabata desespera y no por a wanta mas y nos a papia cu otro pa
sali di e boot camp”.

HUY FOR DI E LUGAR

Diabierna 5 di juni 2015, pa 7 or di anochi Xaenne hunto cu otro dos mucha mas tabata den e
cura y ora nan a wak cu Gilbert y e otro meneer no tabata pafo, nan a disidi di core y sali di e
boot camp. Xaenne a bisa cu nan a core bay un direccion prome, pero na caminda nan a para y
un di nan a bisa mihor nos tuma e otro caminda. Nan a pasa dilanti di e bootcamp y nan a ripara
cu no tabata tin ningun hende ta buscanan y cu e auto di Gilbert Webb tabata na e lugar.

CAMINDA PA CAS

Segun Xaenne, el a tuma un bus y el a bay na cas di su tata pero su mayor no tabata na altura ta
kico ta pasando. Su dia siguiente Xaenne a papia cu su mama na unda su mama a bise cu e tabata
tin pensa di a sake for di e boot camp caba, y cu el a informa Gilbert di esaki. Pero segun
Xaenne, Gilbert no a bise nada. Di e manera aki Xaenne despues di a papia cu su mama, el a
regresa su cas Diasabra 6 Juni 2015.

http://www.diario.aw/2015/06/xaenne-kelly-ta-conta-su-pesadiya-cu-el-a-pasa-den-aruba-boot-
camp/