Page 37 - flip

Xaenne Kelly ta conta su pesadiya cu el a pasa den Aruba
Boot camp

Publication: Tuesday, 9 June 2015. Categoria: General

ORANJESTAD (AAN) – Den fin di siman a drenta e noticia cu 7 mucha homber y e mucha
muher Xaenne Kelly a huy di Aruba Boot camp na San Nicolas. Por a compronde cu e mucha
muher a bay su cas bek, despues di a papia cu su mama kico e tabata pasando den e camp.

Xaenne ta conta den un entrevista cu Diario e pesadiya cu el a biba na e bootcamp y cu e kier
adverti mayornan di esaki.

DRENTA BOOTCAMP

Xeanne ta conta cu el a drenta den e Aruba Boot camp dia 23 di April 2015. El a sinti su mes
hopi malo ya cu e no tabata kier ta den e lugar aki. Aunke ora el a drenta, tur cos tabata mustra
bon, den e sentido cu nan tabata haya un pan mainta pa come, e cuminda merdia y e pan atardi.
Xeanne ta conta cu e mes tabata prepara lo cual ta e pannan y e cuminda di merdia.

El a comenta tambe cu e no a yega di haya maltrato di golpi, pero si sicologicamente, ya cu e
lugar ta laga hopi di desea den cuido cual no ta bon. Despues di un tempo di ta den e Aruba boot
camp, , e pannan cu nan tabata haya pa come, hopi di nan tabata daña y a wordo elimina. E
cuminda pa nan come parti mainta a bira cu mester tabata algo cu nan mayor mes a laga atras pa
nan manera corn flakes, buscuchi y tin di nan tin biaha ta keda sin come y djis nan ta come un
biaha pa dia.

NO TABATA DRUMI BON

Segun Xaenne, e tabata drumi hopi malo ya cu nan tabata lage drumi den e lugar cu nan tabata
tin pa straf, cual ta un camber scur y cu un paar di corchon bieu riba otro. E camber aki ta un cu
ta hopi sushi cu bentana kibra y e glasnan tira abou na unda choler sa drenta. Nan tabata lage su
so cera cu candal den e porta, y no tabata tin un anochi cu e por a drumi bon.

Na comienzo nan tabata pone hasi push-up di muher pero despues nan a cuminsa pone hasi push-
up di hende homber y cada biaha tabata mas fuerte. E otro muchanan tabata drumi den un sala
riba e camanan manera sofa, hunto cu Gilbert Webb y e otro meneer cu ta yude.

COY TUR PERTENENCIA

Xianne a bisa cu Gilbert Webb tabata tuma tur nan pertenensia lo cual e tabata gusta, “ami el a
yega di kita mi slof y mi mester a cana pia abou”. Y door di tur e maltrato y inhusticia cu e
muchanan tabata pasa den e lugar aki, un dia prome cu nan a dicidi di huy, Xaenne a bisa “nos