Page 37 - MIN JUS 12 SEPT 2015

A4

LOCALDiasabra 12 September 2015

Un bista riba: bienes y servicio

Un preocupacion constante

Despues di nos analisis riba e aspecto importante di gasto di personal, e biaha aki atencion
pa gasto di bienes y servicio di gobierno. Un asunto importante tambe pasobra e ta encera
tur costo di material y servicio cu e departamentonan di gobierno mester pa nan por traha.
Rond mundo nos ta mira regularmente e fenomeno di e empleado publico cu ta bay trabao
arma cu papel higienico, papel pa copia y print, laptop personal, etc. Esaki ora cu gobi-
erno no por mantene un nivel adecuado di medio financiero pa paga su gastonan coriente.
Aruba na cierto momentonan no a scapa di esaki tampoco.
Recientemente nos por a mira y tende di critica severo riba e incumplimento di gobierno cu
su pagonan na empresanan den sector priva cu ta entrega mercancia y servicio, pa despues
mester warda lunanan largo riba nan pago. Ta di spera cu austeridad no hiba nos na un
situacion mas grave ainda. Falta di pago na tempo di banda di gobierno tin otro consecuen-
cia tambe. E gastonan pa gobierno ta subi pasobra tur empresa ta cuminsa calcula interes
den nan prijs, anticipando e perdida cu nan ta bay sufri cu e retraso den pago.
Y e falta di cash cerca e empresanan cu ta duna servicio na gobierno ta causa retraso den
otro pagonan den economia, cu ta causa cu circulacion di placa ta baha, cu su efecto nega-
tivo riba economia. No mester lubida cu den economia local e actor individual mas grandi
ta gobernacion cu entre 800 pa 900 miyon pa aña na salario y bienes y servicio cu ta pone
den circulacion.
Den bienes y servicio tin scondi tambe un parti di e gastonan di personal. Pakico? Paso-
bra principalmente den caso di e asesornan miho paga di gobiernonan no ta aparece riba
payroll regular, pero nan ta traha pa un compania, di otro of di nan mes, y ta aparece riba
e lista di esunnan cu ta duna servicio. Nos actual ministro di Financia mes ta un di nan
cu aña pasa durante un temporada cortico tabata ser paga como asesor di ministro Juan
David Yrausquin via un compania priva.
Nada straño cu esey, hopi a bay prome cun’e; solamente interesante pa sa ta con a deshaci
di e contract aki ya cu despues di un par di luna caba e asesor a bira ministro, y por lo tanto
mester a haya e pago regular di un ministro, riba payroll oficial.
E cortamento di gasto den ‘bienes y servicio’ pa 2016 ta considerabel. Tin pensa di corta
mas di 67 miyon segun e tabel riba e lista di 24 deseo pa cu CAFT, y segun presupuesto lo
baha te na 191.6 miyon pa otro aña.
Na 2014 nos ta mira ainda un gasto total di 220 miyon segun cifra preliminar di Banco
Central. Den e cuenta anual lo por mira despues kico e cifra final lo ta, cu por ta consid-
erablemente mas halto si e fenomeno ripiti cu ta haci bastante gasto fuera di presupuesto,
segun Contraloria a detecta pa aña 2013. Den e añanan 2010 te cu 2014 nos ta mira un
promedio di gasto di 231.1 miyon, cu 2014 siendo esun mas abao di tur.
Na tur parti di mundo nos por mira cu na momento di austeridad severo inevitablemente
ta sigui un periodo di gasto mas halto. Esaki pasobra cierto gasto por ser posterga, pero na
un momento mas laat den e proceso mester haci e gasto ey di tur manera. Esaki ta conta pa
por ehemplo mantenemento di edificio, vehiculo, aparatonan den oficina, etc.
Por ehemplo: bo por pospone compra di computer y software nobo pa cierto tempo, pero ta
yega un dia cu mester haci e gasto ey. Loke nos ta mira anto ta un subi y baha di e gastonan
aña tras aña, pero e promedio no ta baha tanto. Esaki ta loke e cifranan di e añanan recien
ta mustra anto. Ta posibel pa proyecta austeridad severo pa 2016 pero e realidad ta alcansa
bo den e añanan despues, of e servicionan di gobierno lo bay sufri gravemente di e falta di
material. Finalmente, gobierno lo no por duna e servicio riba cual e cliente tin derecho. Y
esey den un situacion unda e servicio gubernamental, fuera di algun excepcion, no ta di
gaba mes.q