Page 49 - KPA, JULY 01,2015

A10

riba cayaDiaranson 1 Juli 2015

Pa varios siman caba

Por mira trabou ta para pa desmantelacion di zona liber

ORANJESTAD – Ya tin
varios siman caba cu no
tin movecion riba e tere-
no caminda antes tabata
zona liber.
Mientras e luga ta keda un
mahos bista pa bishitantenan
cu ta pasa tur dia pa bay na
nan hotel, nos por a tuma
nota cu e tereno ta parce un
ciudad bandona. E ta parce
cu un hos a pasa ey riba. Ta
bon pa pueblo haya sa kico
ta pasando cu e trabounan ta
keda para y ki dia lo caba di
haci e luga aki limpi.
E area aki ta un ruta hopi uza
pa turistanan cu ta bay hotel
y esunnan cu ta yega cu barco
crucero na nos waf. E prome
bista cu e turista di crucero ta
mira ora di yegada na Aruba
ta e ruina di Bushiri Hotel y
e zona liber. Un suplica ta
wordo haci na e departamen-
to encarga cu e limpiesa di e
luganan aki.
Ta bon pa tur esunnan en-
volvi pone mas accion pa
caba cu e trabou di desman-
telacion y pa busca un solu-
cion pa e hotel. Por mira cu
e hotel ta e casca so ta keda,
pasobra e antisocialnan a de-
sarma tur loke tabata e parti
paden di ex Bushiri Hotel.q

Van a dal tras di otro auto van

PARADERA – Un bi-
aha mas riba e caminda
di Paradera na altura di
Pacifico un Hyundai van
blanco a dal tras di un
Kia Carnival. E accident
aki tabata uno fuerte, un
señora a resulta herida.
Unidad di trafico a presenta
na e sitio y ambulance. Per-
sonal medico a trata e se-
ñora. Polis a wordo informa
cu e chauffeur di e hyundai
van no a pone atencion sufi-
ciente riba trafico su dilanti
y a dal riba e van. Daño ma-
terial tabata considerabel.q