Page 16 - flip min.social

Feliz dia tur hende, awe mainta nos ta feliz cu nos como e lidernan oficial di nos carnaval por wordo scucha y trece
nos mensahenan cla y raspa.
Nos como prins y pancho FULL FOUT ta cla pa entrega nos decreto cu mester drecha A.S.A.P. pa nos tin mas
cosnan FULL BON y pesey awe riba e tremendo dia di awe cu ta diadomingo 8 di Februari 2015.
Ami prins Full.. Randall Rafaël Luidens, Artista local y internacional biba na Wayaca hunto cu mi pancho.
Ami pancho Fout orguyosamente bendiciona cu e nomber Alberto Ramon Roberto Groeneveldt residencia na
Ponton Hills, embahador di Nos Timesharing World cu ta nos industria Turistico, baylarin sin weso, y un
carnavalista di berdad, ta cla pa lesa nos puntonan cu nos gobierno actual.
Gobierno y tur representante di nos carnaval ta cla? Scucha nos bon pa no tin fout.
1. Strafrecht pa mayornan cu ta neglisha nan yiunan, cu ta sacanan foi cas tempran sin ta un adulto djis pa nan
preferencia sexual…. alimentatie geld cu no ta wordo paga.
2. Hobennan bira serio y respeta boso curpa, e drama riba social media cu potretnan no ta nada di dunabo mas
likes… bo ta gewoon weg FULL FOUT BEZIG.
3.Mester tin un Carnavalplicht pa hobennan participa pa prins cu pancho.
4. Danki Smac pa e cambio e aña aki pa Prins cu pancho, esey ta un bon cambio di berdad.. Miami here we come.
5. Festival di tumba mester tin un boxing arena pa esnan cu kier combina boxeo cu musica.
6. Duna les pa nos lidernan of cualkier directiva di carnaval pa nan siña e bon manera di hulanda… AFSPRAAK y
no nos manera Arubiano… bisa kosnan na ultima ora.
7. Brassband ta great pero nos como e mega artistanan di carnaval kier musica carnavalesco cu nos por bayla, wine y
jump riba dje.. un speaker dilanti of banda esey lo ta un cambio di berdad.
8. Aprecia tur nos talentonan y artista local na BIDA.. haci bochincha ora nan ta cu nos y no desbaloranan, y
despues ora nan bay e ora ey kier aplaudi nan trabao.. ESEY SI TA FULL FOUT.
9. Prins y panchonan tambe mester wordo reconoci, hay’e regalo , sponsor y cosnan di tur comerciante manera nos
reinanan, pasobra ta nos ta haci e trabao di mas grandi cu ta dirigi nos carnaval.
10. Nos kier sinta den parlamento tambe pa asina nos por yuda goberna nos isla cu nos cosnan cultural y social.
11. Pa no tin mas bruhamento di foutnan chikito durante di eleccion manda nos miembronan di SMAC un training
intensivo pa whistle Sports. Ora di anuncia resultado final pa fluit den tono si e ta corecto of e ta fout.
12. Introduci Mister Carnaval y Señor Carnaval.. nos tin cabayeronan cu ta cla pa participa.
13. Kita e taboo di reinan mester ta flaco… nos muchanan triple D. Diki duro y dushi tambe dunanan nan
oportunidad pa haci nan soño realidad.
14. Reina grandi, prins y pancho tambe mester biaha rond di mundo ora tin te maken cu representa nos isla y cultura
y nos solamente e gruponan di bayla.. por ehempel na Miami den Maart y vooral nos zomercarnaval na Hulanda.
15.SMAC.. SAC.. GSAC.. ken cu ta ban traha hunto cu prins cu pancho pa engrandece nos carnaval y stop cu e
dramanan FULL FOUT.
16. No nenga prins y pancho ni reinanan coy bebe den carnaval.. ta nos ta e artistanan riba caya di nos gran bacanal
17. HISA e castigo na e abusadornan di mucha, ladronicia y vooral pa esnan negativo di nos carnaval.
18. Esnan cu ta papia na radio.. stop di ta asina negativo so cu tur e redonan pero tambe cuminza papia cosnan
possitive pa engrandese nos parti mas grandi di nos cultura cu a hera wordo perdi y pehudica cu ta nos Carnaval.
19. Arubianonan stop di bringa y critica otro.. nos stimacion humano ta cabando.. ban push otro positivamente y
yuda otro mescos cu un Chines y Hindu pasobra nos tambe por toch?.
20. Por ultimo introduccion di ley di cacho… esey ta discriminaccion pasobra kico a pasa cu nos pushinan awo?
Conclusion: como prins cu pancho grandi Full Fout ta sumamente feliz cu nos nomber… pero tuma consehonan di
nos pa hunto nos tur bira FULL BON.. nos ta warda nos invitacion pa sinta den parlamento pero wak pa tin bon cos
di come, steak lobster y shrimp pasobra cu stoma bashi nos No por pensa drechi.
Biba Aruba biba Aruba su Carnaval y ban haci e cambionan positivo pa nos ta e one happy island di berdad.

Attentamente,
Prins Full y pancho Fout
Decreto di Prins y Pancho hubenil – 2015
Feliz dia tur hende awe mainta nos ta sumamente feliz cu nos como Hobennan ehemplar por wordo scucha. Nos dos
ta cla pa entrega nos gobierno nos punto y visionnan y vooral nos mensahenan riba e tremendo dia di awe cu ta
diadomingo 8 di Februari 2015. Ami prins AMI Ivan Francis Maxel Werleman Jr. Director ehecutivo do EPB
HATO y controlador di klas E2D, emperador di Wayaca futuro koki internacional di Ratatouille hunto cu mi
pancho.