Page 17 - flip min.social

Ami pancho ABO miho conoci como Endrich Jovi Bengino Panneflek, cabezante di colegio San Antonio Mavo, rey
di e cayanan di Papilon, profesor di humor y inteligencia y trahado di magia profesional cu sigur kier haci un poco
abracadabra pa drecha nos gobierno y nos carnaval.
Pesey gobierno prepara pa lesa nos mensahenan cu t bin di nos curazon y cu ta berdad.

1. Atencion special mester wordo pone riba e famoso Schoolgeld.. esey ta daña nos bida personal, ya cu nos
mayornan sa baha nan stress ora nan por y pa motibo di schoolgeld nos zakgeld a baha cu 75% awo nos ni por bay
na cinema mas pa wak nos peliculanan ta estrena anto ni pa 2 for 1

2. Mi ta hopi conciente cu Hobennan ta un ehempel pa crea lidernan den comunidad. Pesey nos como prins y pancho
di carnaval ta lanta un comision di dos pa yuda minister di hubentud den su maneho.

3. lo mester introduci un ley contra bullying.

4. Durante scol lesnan mester consisti di musica y cosnan di nos cultura cu ta carnaval.

5. Ta impotante pa duna balor na nos artista national semper prome y no ora nan bira internacional. Vooral nos
artistanan Hobennan local. Pone cayanan, blvdnan te asta matanan na nan nomber

6. Ya cu tur hende ta gusta e palabra thank God it’s friday pa nan bay dal un bocht y descansa nos kier nos scol
cuminza 10 am y caba 1pm.

7. Lo mester bira un verplichte uso di nos idioma papiamento na scol y no cu e accento de ya tu sa….

8. Tur dialuna despues di actividad du carnaval mester duna liber ya cu nos no por pidi dia off, leave of absence of
extra vakantie dag.

9. nos kier ta parti di nos parlamento hubenil pa asina reuni cada 3 luna hunto cu gobierno na mesa.

10. Laga prins y pancho su evento prome cu fakkel ya nos por habri fakkel oficialmente pasobra nos ta e lidernan di
carnaval toch?

Talvez un eleccion di prins y pancho durante festival di dande lo ta ideal.

Conclusion: como prome biaha cu nos como prins cu pancho hubenil a trece un decreto nos tambe kier pa esaki bira
un tradicion den futuro.

Danki gobierno pa scucha nos y cuminza traha diamars pa drecha tur locual cu nos a trece pa dilanti.

Attentamente.

Prins Ami y Pancho abo