Page 21 - flip min.social

Trahador publico no ta contento cu e maneho di
gobierno

• Feb 9th, 2015
• Local

Trahadornan publico no ta mucho contento kico ta pasando for di aña 2014 pa loke ta e sistema di traha
y e falta di material pa traha pa cual aki acecrca e sindicato mas grandi di trahador publico Magaly Brito
ta splica kico ta e pasonan cu lo bay cuminza tuma e aña aki.
E ta sigui splica cu tin hopi preocupacion den e aparato publico, no solamente riba e tema di falta di
material cu ta loke sea, pero tambe cu por bisa cu e trabaonan mes ta bay slow pa falta di fondo.
Eseynan ta cosnan cu ta sosode diariamente y trahadornan sa di dje. Nan ta bira mas fastioso, pero pa e
trahado mes tin preocupacion di e futuro, siguridad y hasta te asina leu un siguridad di un trabao
completo of decente. Bao di decente ta compronde cu e trahado ta mira cu su trabao ta wordo balora
corectamente. E ta wordo reconoci manera mester ta y ta haya cu su derechonan ta wordo cumpli cune.
Aki tin preocupacion riba dje. Hopi mes Brito tin cu bisa.
Den luna di februari lo tin encuentro cu delegadonan caminda cu lo bay papia riba e tema aki con nan ta
mira 2015 y con ta bay planie y hink’e den otro. Aunke tin diferente gruponan di trabao cu toch bay over
pensa, mira y scucha, tene informacion, pa asina por hinca posicionnan den otro pa asina cu e
discusionnan bin na mesa, SEPPA por ta prepara cu posicionnan concreto.
Esaki naturalmente tin efecto riba e servicio cu tin riba comunidad. Comunidad ta reclamando diferente
servicio caba cu ta bayendo slow, indeficiente. Di otro banda tin servicionan esencial cu tambe ta trece
placa den caha di gobierno y cu esakinan tambe ta sinti nan mes afecta y cu tin reclamonan
constantemente riba esey. Esakinan tur ta posicionnan cu ta conoci tambe na Gobierno di parti di SEPPA
y cu di otro sindicatonan tambe cu a trece nan preocupacion padilanti y estado di e edificionan, alocacion
di e edifcio y tambe e diferente asuntonan cu ta regarda e condicion laboral di trahadornan aki cu ta keda
pega, aunke cu tin cu bisa cu tin mehoracion den e departamento cu ta atende cu asuntonan di personal
di gobierno. Sin fondo no por haci nada sinembargo. Esaki ta e preocupacion mas grandi cu si cu tin bao
di empleadonan publico.
Brito a sigui bisa cu e ta normal cu manera ta bisa cu asina cu un presupuesto ta pasa, cu e
departamento a lo menos sa unda e ta para. E fastioso ta naturalmente cu hopi departamento of
presupuesto ta corta asina tanto cu cierto momento hasta ni sikiera e departamentonan ta prepara pa e
diferente ahustacionnan cu nan mes tin cu haci den e aparato publico.
Awor aki con ke sea ya ta den comienso di aña, kizas tin un tiki placa, nan no ta sintie, pero ya pa mita
aña e efecto ta bira hopi mas fuerte y e reclamonan ta bira hopi mas pisa, segun Brito.

http://masnoticia.com/trahador-publico-no-ta-contento-cu-e-maneho-di-gobierno/