Page 19 - flip min.social

Despues di luna di Febuari por bisa cu SEPPA lo ta hopi activo pa loke ta negociacion di CAO di e departamentonan
cu a bira priva den gobierno cu sigur lo bay trece su retonan cun’e mirando cu e trahador publico kier bay dilanti.

Segun Magali Britto, tin hopi preocupacion bao di empleadonan publico. Esaki e delegadonan ta trece esaki pa
SEPPA traha riba nan. Di un otro banda tin gruponan pafo, cu tin contractonan colectivo cu ta caba y cu tin cu
atende pa esakinan. Tin asuntonan cu ta cay tambe bao di sector priva cu ta pendiente pa negociacion.
Ta kere cu despues di Februari sigur lo ta hopi ocupa cu por lo menos 4 contracto colectivo y e situacion na e
momentonan aki ta haci cu e trahador kier mira adelanto, apesar di un cifra di inflacion ta indica cu no tabata asina
halto, pero e no ta kita afo cu e trahador tin exigencia cu e kier mira un adelanto. Esey ta e posicionnan cu e
dunadornan di trabao ta tumando cu no tin placa. Nan ta tuma e malesa di gobierno over, cu no tin placa pa nada y ta
haci cu ta dificulta e diferente negociacionnan.
SEPPA ta kere cu pa 2015 lo keda cla cu tur cuater CAO y trahadornan lo keda basta satisfecho.
Brito a sigui bisa cu tin dos terminologia di ta priva. Uno cu ta echt doño di trabao priva. Den e caso aki Serlimar
con ke sea e ta priva, pero e ta di pueblo. E ta di gobierno. Den e caso aki ta kere cu tin cu bay wak kico a pasa cu
Serlimar den e ultimo añanan pa wak cu ta soluciona esaki y definitivamente no ta kere cu tur fayo cu por a sosode
na empresanan ey di Gobierno, lo mester bay cay riba lomba di e trahado.
Pero tambe ta mira e preocupacion cu tin den comunidad. Ta cuminsa awor aki na cobra berdad un suma pa paga pa
recogemento di sushi. Esaki ta basta normal na otro pais, pero na un isla chikito manera Aruba e ta wordo tuma cu
hopi reserva y e no mester ta asina cu ta cuminsa na 25, despues otro aña e ta keda subi. Aki poco dia e ta bira algo
impagabel.
Si compara na paisnan den exterio, caminda tabata tin accionnan di parti di esnan cu ta recoge sushi, ta facilmente
nan ta bay den accion di welga y tur sushi ta keda riba caya y hopi lihe e reaccionnan ta bin di comunidad cu no por.
Den e caso aki e ta pasa na un pais manera Aruba. Serlimar, como compania riba su mes y gobierno y sindicatonan
mester bay den hopi dialogo pa mira con ta ataca e problema di e compania riba su mes, gobierno pa e fayonan cu e
ta haci cu e compania, pero e trahadornan tambe kico ta locual tambe por contribui como esnan cu ta brinda e
servicio y con nan ta wordo reconoci pa e trabao, balora pa e trabao pa asina na final comunidad ta keda contento cu
e servicio y e ora ey nan ta mira unda e 25 florin ta bay realmente.
Loke cu tin ta companianan den sector priva. Arubus tambe ta den un situacion hopi fastioso. E trahadornan por
mira cu den e ultimo añanan di parti di gerencia ta bisa ta inverti, den aparato etc. Pero e trahadornan ta keda keha.
Tin hopi malcontento y comunidad tambe ta mal contento no tanto riba e servicio pero riba e condicion di e
aparatonan cu ta wordo usa pa Arubus. Eynan tambe tin problema, Brito a bisa finalmente.