Page 7 - ALLE MIN.DEC 20,2014

awemainta.com Online Diasabra 20 di December 2014

Caya Grandi ta hayando mas
tiendanan nobo y cu miho calidad di

producto pa e cliente

PROME Minister Mike Eman tabata presente na momento cu “The Athlete’s

Foot” a bolbe den Caya Grandi cu e producto NIKE ora cu renobacion di
centro tabata practicamente cla. Y awor cu e famoso tienda di keds aki ta
habri su portanan den edificio bieu di Interbank, Prome Minister Eman a
bishita e instalacion pa mira con e trabou ta moviendo.
Di e forma aki e mandatario kier a demostra su solidaridad principalmente
cu comerciantenan local cu ta demostra confiansa den economia di Aruba.
E compania internacional di The Athlete’s Foot a dicidi cu nan ta bay concentra
mas den “fashion” pa cual propietario Francis Gil a cuminsa cu e plannan pa
separa e diferente productonan cu nan ta ofrece for di otro.
E trabounan ta den full swing y Gil ta demostra asina di tin un confiansa
grandi no solamente den e centro di Oranjestad revitalisa, pero den economia
di Aruba, diversificando cada bes su negoshinan y e productonan cu nan ta
ofrece y awor cu mercancianan “upscale” pa e tipo di turista cu Aruba ta
atrayendo. Luisa Monsalve, encarga cu mercadeo, a splica cu tur contratista
ta trahando pa finalisa e trabou den e fin di siman prome cu Pasco y asina nan
por habri nan portanan pa publico en general.
Den e tienda aki di The Athlete’s Foot e clientenan ta bay haya mercancianan
di marcanan manera Nike cu ta hiba nomber di personalidadnan famoso,
pues un producto “upscale”, pa cual tin un demanda grandi.
Prome Minister Eman a gradici Francis Gil un biaha mas pa su confiansa den
economia di Aruba y desea e comerciante exito pa finalisa e trabou p’e por
habri ainda prome cu dianan di fiesta.

34