Page 61 - MIN.SOC MAY 21
P. 61
Den e Congreso a trata diferente tema di interes y loke ta mas importante lo wordo hinca den e Plan di
Maneho di e organisacion pa e proximo añanan.
E Congreso ta cera diabierna awor cu eleccion di un directiva completamente nobo. E actual Presidente,
Rudy Geerman, a splica cu e tin 18 aña den e puesto. “Mi ta kere cu a yega momento pa hala un banda, y
laga un otro hende haci e trabou. Kisas lo por tin un persona cu un otro vision. FTA tin un ekipo cu por
dirigi e organisacion aki,” Geerman a sigura.
Tin un persona a postula su mes pa Presidente mientras cu e actual directiva tambe a postula e actual
vice Presidente Hubert Dirksz como candidato pa Presidente. Dirksz a cuminsa cu e organisacion masha
hopi aña pasa, el a fungi den diferente posicion di e directiva y a dedica hopi tempo den e aspecto di
formacion. Geerman ta kere cu e lo ta un bon persona pa guia e organisacion.
