Page 59 - MIN.SOC MAY 21

sindicato cu ta defende e derechonan di e trahado y boga pa un trato husto, Mariano Mena, kende ta
presidente di UTAL (Universidad de Trabajadores de Latino America) a comenta durante di su bishita na
Aruba pa e celebracion di 50 aña di FTA.
E presidente a bisa cu el a papia tocante e fenomeno aki tambe cu e mandatario encarga cu labor na
Aruba. El a splica cu loke ta pasa den e caso di e sindicato amarillo ta cu e doño di trabao ta traha cu
trahado(nan) di confiansa pa promove entre e trahadonan un “sindicato” cu no ta legitimo, o sea ta dirigi
riba complace cu e doño di trabao, e sindicato aki no ta sostene e derechonan di trahado y pues no ta
provee e trahadonan representacion legitimo.
Compara cu condicionnan internacionalmente na Aruba ainda ta respeta e derecho sindical y di e
trahadonan, segun Mena. E sindicato ta parti di e organismonan di derecho humano; uni nan mes na un
sindicato ta un derecho humano di e trahado, Mena a subraya. El a agrega cu sindicalismo ta reconoci pa
constitucion y ley, pues no por tin dunado di trabao cu ta purba molestia trahadonan pa organisa nan
mes.
Mena a bisa enfaticamente cu “cada trahado tin e libertad pa scoge su sindicato, pero di su banda e
estado tin e deber di protege e derechonan y demandanan legitimo di e trahadonan. No ta importa na ki
luga di mundo nan ta y no ta importa kico ta e estado unda nan ta pertenece.”
El a remarca cu den un sociedad e sindicato no ta enemigo di e empresa ni tampoco e trahadonan ta
enemigo di e negoshi; no tin sindicato si no tin empresa y no tin empresa si no tin trahado. Nan no ta
incompatibel, Mena a bisa. E sindicato no ta un adversario, pero tampoco ta un ruman, el a comenta.
E trahado tin derecho pa pidi salario husto y condicionnan laboral optimal pa e por funciona; den e
tempo aki condicionnan di sclabitud no ta aceptabel. E sindicato mester percura pa e trahado por traha
cu dignidad y ricibi un salario husto y digno, pasobra si e no ta haci esaki, e no por yama su mes
“sindicato”, cual ta e caso cu loke ta wordo describi como un sindicato amarillo. E sindicato amarillo no
ta demanda nada y no ta haci nada pa trahadonan, Mena a conclui bisando.

http://www.24ora.com/local-mainmenu-5/95358-utal-mester-protege-trahadonan-di-sindicatonan-
amarillo

Den 2015 ainda tin companianan cu ta haci dificil pa e
trahadornan organiza nan mes

Wednesday, 20 May 2015 20:50
Comparti

Algo cu a capta basta atencion ta e forma cu un manager a actua contra empleadonan na un
supermercado grandi na Eagle. Tur cos a wordo graba. Durante e combersacion cu Rudy Geerman, e
sindicalista a comenta riba e situacion cu a surgi na e supermercado,