Page 57 - MIN.SOC MAY 21

pais tin sindicato fuerte. “Na momento cu bo tin un sindicato fuerte, bo tin trahadonan fuerte tambe, cu
ta wordo fortaleci den nan derechonan. Y ta haya tambe e ora un Gobierno cu ta sinta na mesa cu e
sindicatonan pa yega na e miho condicionnan laboral pa e trahadonan.”
Minister Croes a haya un honor masha grandi cu el a wordo invita pa tene e discurso na apertura di e
Congreso, y unda el a gradici e Presidente Rudy Geerman pa e trabou grandi cu el a haci na timon di e
organisacion sindical.
Pero tambe el a elogia e tema, cu e ta considera masha importante, cu FTA a scoge pa papia riba dje e
aña’ki, esta Ombudsman (Defensor di pueblo). Ta trata di un Instituto hopi importante cu ta garantisa
derecho di e ciudadanonan na momento cu nan tin keho riba circumstancianan na e pais. “E por ta
casonan di Gobierno, den sector priva, of ora bo derecho como ciudadano no ta wordo respeta.”
No mester lubida algo masha importante, e mandatario a bisa, cu durante tratamento di Presupuesto
2015 a aloca un suma tambe pa institucion di Ombudsman.
Papiando di derecho di trahadonan, aunke cu mester haci un investigacion ainda, e mandatario toch ta
haya condenabel contenido di un video riba rednan social unda un manager ta papia den un forma baho
y mahos, y insultando trahadonan. “Esaki no ta etica con pa anda cu trahadonan. Y banda di esaki, den
nos ley ta stipula cu bo mester ta un bon doño di trabou, respetando e trahadonan y nan derecho. Loke
nos a mira riba e video sigur no ta conta cu nos apoyo. Nos ta condena e tipo di hechonan.”
Ta importante pa hunto cu sindicatonan atende cu e tipo di situacionnan. Trahadonan por uni y haci e
denuncianan necesario.
E mandatario a trece dilanti cu e por a compronde cu e problema a surgi pa motibo cu e trahadonan kier
a afilia nan mes na un sindicato. Den cuadro di esaki el a mustra riba ley existente den Codigo Civil y
Constitucion cu ta duna e trahado e derecho pa afilia su mes na un sindicato. Y doño di trabou mester
respeta esaki.

http://www.24ora.com/politica-mainmenu-18/95356-minister-paul-croes-rudy-geerman-a-haci-hopi-
pa-derecho-di-trahadonan

Congreso di FTA ta conta cu presencia di presidente di UTAL

Wednesday, 20 May 2015 20:45
Comparti