Page 60 - MIN.SOC MAY 21

cu a filma un manager insultando trahadonan cu a expresa malcontento cu e condicionnan di trabou. Cu
tur e tecnologianan moderno, Geerman ta kere cu awo ta mas facil pa graba situacionnan asina.
Loke e ta haya straño ta cu den 2015 ainda tin compania cu ta haci dificil pa trahadonan organisa nan
mes. “Na momento cu trahadonan dicidi di protesta pacificamente, cu ley mes ta permiti nan haci esaki,
y ta reacciona di e forma aki di compania, anto e cos aki ta completamente robez.” Pero no ta e
supermercado so, ya cu FTA ta consciente cu tin varios compania cu ta haci dificil pa e trahadonan
organisa nan mes. Pesey e pregunta, unda e respet ta. Tur doño di trabou tin un organisacion cu ta
defende nan, di con e trahadonan no por tin e mesun espacio, ta loke e sindicalista ta puntra. Esaki ta un
tema cu lo wordo trata den e Congreso y lo trata di bini cu un resolucion di esaki.

http://www.24ora.com/local-mainmenu-5/95359-den-2015-ainda-tin-companianan-cu-ta-haci-dificil-
pa-e-trahadornan-organiza-nan-mes

Diabierna FTA ta eligi un directiva completamente nobo na
final di e di 22 congreso

Wednesday, 20 May 2015 20:54
Comparti

FTA ta den su di 51 aña di existencia, ta den su di 22 Congreso, cu tin tres dia di duracion y durante cual
lo bay eligi un directiva nobo. E Congreso a inicia diaranson 8’or di mainta cu un charla riba e
“ombudsman” (Defensor di Pueblo) y pa esaki a invita e Defensor di Pueblo di Corsou cu a duna un
splicacion amplio di e experiencia cu e tabatin eherciciendo e trabou aki.
A invita tambe un sindicalista pa splica con nan ta mira cu esaki ta funciona den practica mientras cu di
Aruba a invita tur lider di fraccion representa den Parlamento pa ta presente. Cada un lo duna nan punto
di bista. Gremio comercial tambe a wordo invita pa ta presente den e charla unda ta bay discuti e
beneficionan di un Ombudsman.
Manera ta conoci, recientemente, durante tratamento Presupuesto 2015 e proyecto di ley di Ombudsman
a keda entrega.
E Congreso aki ta wordo hinca den otro di tal forma cu tin sesionnan pa miembronan so y otro sesionnan
den combinacion cu invitadonan. Por ehempel na apertura di e Congreso diaranson mainta, tabatin un
sesion combina di miembro- y invitadonan, inclusive sindicalistanan di Corsou y region. “Nos a haya bon
ayudo di exterior pa hisa nivel di e reunion.”
E Congreso mes a inicia pa e delegadonan despues di 10’or di mainta, durante cual sesion a discuti e
ultimo plan di trabou cu a wordo diseña y kico a logra ehecuta di esaki. Ta bay discuti cual ta e plan di
formacion pa e proximo añanan y lo haci un evaluacion di tur e companianan unda cu FTA tin miembro,
a base di cual lo traha un plan nobo pa e proximo tres añanan.